MANILA, Philippines - Ihahanda nila Eric at Andrei ang perang hinihingi nila Jo at Jerome para makuha na nila si Roseanne. Kampante sina Jo at Jerome na tagumpay ang plano nila. Nag-set sila ng date at time para makuha nila ang pera at magbibilin na huwag magdadala ng pulis ang dalawa. Pero maiisahan sila nina Eric at Andrei, gamit ang isang undercover cop pretending to be a taong grasa, masusukol sina Jo at Jerome!
Pero ayaw pa ring ikanta ng dalawa kung saan nila nilagay si Roseanne. Galit na galit si Jo kina Roseanne at Remy, hindi siya papayag na maging masaya ang dalawa. Habang hawak nina Eric ang dalawa, unti-unti namang napupuno ng tubig ang swimming pool na kinalalagyan ni Roseanne! Takot na takot ang bata, hindi siya makakilos dahil sa nakatali siya sa mga bato. Malulunod na si Roseanne!
Mauubos ang pasensiya ni Eric kay Jerome, bubugbugin niya ito hanggang sa magmakaawa itong aamin na siya. Dadalhin sila ni Jerome sa pinagtaguan kay Roseanne, at makikita nilang nalulunod na ang bata sa pool! Sinagip nina Eric at Andrei si Roseanne pero hindi na ito humihinga nang iahon nila. Pero parang milagrong magkakamalay ang bata.
Kakanta si Roseanne ng first and last concert, nagpapasalamat sa fans sa pagkakataong ibinigay nila sa kanya bilang Biritera, pero sa ngayon, tutuparin naman niya ang pangarap na magkaroon ng isang buong pamilya kasama nina Eric, Remy at Andrei.
Huling hirit na ni Roseanne sa Biritera ngayong gabi kaya ‘wag bibitiw.