Born to be Wild naispatan ang pinakamalaking balyena sa Bohol

MANILA, Philippines - Sa loob halos ng dalawang linggo, nilibot ni Dok Nielsen at ng kanyang grupo ang karagatan ng Bohol upang saksihan ang mga balyena o whale pati na rin ang mga dolphin dito para sa The Born Expeditions: The Tale of Two Whales ng Born to be Wild sa GMA 7.

Sa panahong iyon, iba’t-ibang kamangha-manghang sea creatures ang nasaksihan ng grupo kabilang na ang spinner dolphins, melon-headed whales, at bottlenose dolphins. Hanggang sa naispatan ng grupo ang pinaka malaking balyena—ang tinatawag na Bryde’s whale.

Naging laganap ang paghuli sa balyenang ito sa karagatan ng Pamalican at matapos ang ilang taong pagkawala nito sa dagat ng Bohol, iniulat ng isang grupo ng mga researchers ang muling pagbabalik nito sa Bohol noong 2010.

Ngunit nasaan na nga ba ang sinasabing blue whale na nakita ng Born to be Wild noong nagdaang taon? 

Abangan ang kapana-panabik na pagtatapos ng The Born Expeditions: Tale of Two Whales ngayong Miyerkules ng gabi sa Born to be Wild, pagkatapos ng Saksi sa GMA 7.