Kapuso Boracay Weekend
Mao na ni all over the world! Hugyaw nga Domingo kanatong tanan mga Ka Tribung BisChikadora! Hugyaw ra ang pamati sa inyong Yur’s truly kay pagkahuman sa mga events nga akong gi-coordinate wala ko nag-expect nga makalugwa ko sa Boracay, bisan dili para sa usa ka bakasyon apan para usab sa usa ka trabaho sa akong mother network ang GMA 7. Mao nga wala ko nagduhaduha og pamutos sa akong mga butang, sa sobra ka excited ug una kini nako nga higayon nga over ang akong bagahe mao nga bayad nalang ko. Wala pa sa akong bagahe ang two piece. Hahahahaha!!!!! Pag-abot nako sa Caticlan, best in pangutana ang akong show, gihatod ko sa pantalan para mulabang na sa Boracay, ang tricycle kay P25.00 then ang bayad sa pumpboat (infairness nasulod ra pud ko) P50.00. Pag abot sa Boracay kay nakabiya na ang service van nga akong sakyan, ang dating kay solo flight nasad ko sakay og tricycle. Best in pakyaw ko sa tricycle nga P125.00. Maayo nalang kay pag-abot nako adunay welcome drinks nahupay ang akong kakapoy, unya unsa pa ang imong gipaabot best in lafang gyud dayon. Mao na ni all over the world!
Kapuso Weekend Boracay! Duha kini ka adlaw nga nagkauban uban ang mga Kapuso stars ug magtigi sa Kapuso Beach Games. Adunay tulo ka team: ang White Beach Team nga silang Mark Herras, Carlo Gonzales, Jennylyn Mercado, LJ Reyes, Sam Pinto ug Isabel Oli, ang Bulabog Team kay silang Geoff Eigenmann, Jay-R, Carl Gueverra, Michelle Madrigal, Rachelle Ann Go ug Jolina Magdangal, ang Puka Team kay silang Dennis Trillo, Arthur Solinap, Victor Aliwalas, Mikael Daez, Bianca King, Rochelle Pangilinan ug Bubbles Paraiso. Gisugdan kini ug Beach Clean Up / Walk for a Cause, mao kini ang Kapuso Kalikasan : A Coastal Clean Up. Nanglimpyo o nanguha og mga plastic o basura ang mga Kapuso stars sa beach front gikan sa Station 1 to 3. Pagkahuman, gisunod dayon ang Beach Games, di ra ko malain kami ni Gabby Eigenmann, Bela Padilla ug John Feir ang mga host. Kani laging wala kita naanad usa sa mga artista unta akong ka room mate…nagpabalhin ko oi kay maikog ko basin dili nya siya makatulog sa akong vocalization (hagok) o di ko makatulog kay magsige kog tan-aw niya. Lawas baya kaayo ning artista unya Yum yum yum! Maka order niya ko og rice kay pwede na mahimong sud-an hahahhahaa!
Pagkagabii niini, usa ka Kapuso Night na dayun, gilingaw sa mga Kapuso stars ang nisaksi sa Kapuso Boracay Weekend, tagsa tagsa silang nihalad og pasundayag mao nga hugyaw ang akong unang adlaw sa Kapuso Day sa Boracay.
Ang pangutana nganong wala si Jennylyn Mercado? Tungod ba kay naa ang iyang ex-boyfriend nga si Dennis Trillo? Kauban ang gihungihong nga girlfriend niya nga si Bianca King? Jennylyn naa man unta si Mark Herras!
Atangi ang part 2 sa atong Kapuso Weekend Boracay kay daghan kung nasagap nga mga BisChika nga akong ipaambit kaninyo lang gyud mga Ka Tribung BisChikadora!
- Latest
