Tulfo brothers gilakip og kiha!

Manila, Philippines --- Wala palabya sa magtiayong Raymart Santiago ug Claudine Barretto ang gipangyawit sa managsuong Tulfo sa programa nilang T3 sa TV5. Puwes, milayat sila paingon sa Quezon City Regional Trial Court kagahapon ug mipasaka og kasong serious oral defamation ug grave threats batok sa managsuong Ben, Raffy, ug Erwin Tulfo. Ang bag-ong kaso’ng gisang-at sa magtiayon lahi pa sa una na nilang giduso didto sa Pasay City Regional Trial Court, ang Physical injuries ug child abuse batok ni Mon Tulfo.

Sa pikas bahin, miduso og temporary restraining order ang TV5 batok sa suspensyong gipahamtang sa MTRCB sa managsuong Tulfo nga hosts sa T3. Mireklamo ang Kapatid Network sa suspensiyon sa government agency batok sa mga Tulfo nga maoy hinungdan sa ilang gipangayo nga TRO.

Rufa Mae gitambagan ni Ogie

Gitambagan ni Ogie Alcasid si Rufa Mae Quinto sa desisyon niyang mag- co host ni Willie Revillame sa show niini sa TV5.

“Sabi ko, kung anuman ang desisyon mo, kailangang ipagdasal mo. Hindi puwedeng magdesisyon ng…Kailangan kung ano ang will ng God for you, ‘yun ang sundin mo. Sabi lang naman niya, ‘Go! Go! Go!’

Parang amen na rin ‘yon!” say pa niya dihang gisuroy namo sa shooting sa solo movie niyang Boy Pick Up.