Balak din ng mag-asawa na magsampa ng kasong Grave Threat sa mga kapatid ni Mon na sina Erwin, Raffy at Ben dahil sa mga sinabi nila sa kanilang programang T3.
Pinag-iisipan pa raw nila kung kailan nila ito ipa-file.
PAK: Naikuwento naman ni Raymart na may nakikita raw silang van na umaaligid sa kanilang bahay.
Ayaw naman daw niyang sabihin na kagagawan iyun ng kampo ni Tulfo pero gustong iparating ng aktor na kung meron man daw mangyari sa kanya pati sa kanyang asawa at sa mga anak, alam na raw kung sino ang may kagagawan.
Kaya kumuha na sila ngayon ng mga pulis na magbabantay sa kanila. Hindi na nga raw nasasanay si Raymart na merong pulis na nagbabantay sa kanya 24/7 at kahit saan siya magpunta.
BOOM: Bilang kamag-anak ni Sen. Miriam Defensor-Santiago si Raymart, nagparating ito ng mensahe na willing daw siyang mag-mediate para magkaayos sila ni Mon Tulfo dahil kaibigan naman daw niya ang kilalang kolumnista.
Pero umiiling si Raymart at hindi raw siya makikipag-ayos.
Hindi niya napigilang maiyak na nagpahayag na okay lang daw kung siya lang ang nasaktan ni Mon. Ang hindi raw niya matanggap ay pati ang asawa niya ay sinaktan daw ni Mon na nasaksihan ng kanilang mga anak.