CEBU, Philippines - Makalingaw ug mahigalaon sa tanan. Mao kini ang mga pulong ang manggawas kasagaran kung ihulagway ang napili nga Reyna ng Aliwan 2012 nga si Angeli Dione Barbas Gomez, ang tinuig nga panag-abot sa tanang festivals sa tibuok Pilipinas didto sa Pasay, City sa pagpasiugda sa Manila Broadcasting Company (MBC).
Kasamtangang nagtungha si Angeli og film-making course sa Big Foot gumikan kay mahiligon gyud siya paghimo og mga documentary film. “I’ve always been very interested in that career path. I always did and still do believe that media is the best medium to get a message through to people,” suma pa ni Angeli.
Suma pa ni Angeli nga usa sa iyang sekreto nga kalma ang pag-atubang niya sa bisan unsa nga sitwasyon sa kinabuhi mao ang pag-focus ug dili magpaapekto sa bisan unsa nga negatibong butang.
Nasayran nga ang inahan ni Angeli higala sa sikat nga make-up artist nga si Jonas Borces ug maoy mihangyu nga bansayon niini ang iyang anak aron pasalmuton sa Miss Mandaue Pageant karong tuiga. Apan wala matud pa misugot ang amahan ni Angeli sanglt buot niini nga mag-focus una sa iyang pagtuon ang iyang anak. Apan nausik matud pa si Jonas sa training nga nasinati na ni Angeli busa gipasabot nila ang amahan sa dalaga nga patekangon si Angelie sa Rayna ng Aliwan kay dili matud pa kini bast-basta nga indigay, sanglit usa kini ka national pageant. Si Jonas pud matud pa ang misugyot ngadto sa kagamhanan sa dakbayan sa Toledo, aron si Angeli maoy himuong pambato sa Hinulawan Festival gikan sa maong syudad paingon sa Aliwan Festival.
Una kadtong indigay sa kaanyag nga gisalmutan ni Angeli ug gibuligan siya sa Kahitas-an sanglit iya gyud nga nalangkat ang korona, nga sunod-sunod usab nga nahuptan sa mga kandidata nga pambato sa Sinulog Festival sa milabay nga tulo ka tuig. Si Angeli, nagsunod sa tunob nila ni Sian Maynard (1999), Rizzini Gomez (2010), ug Rogeli Catacutan (2011), nga puros nakuronahan nga Rayna ng Aliwan.
Lumad nga taga-dakbayan sa Sugbo si Angeli ug managsama lamang sila og apelido ni Rizzini.
Tambag pa niya sa mga babaye nga gusto mahisama kaniya nga makadaug og mga indigay sa kaanyag nga kinahanglan nga maghuna-huna og positibo.
Matud pa niya nga kung imong gihigugma ang imong buhaton, dili ka bation og kakapoy niini.
Kung nakauyon ug adunay determinasyon ang usa ka tawo sa iyang buhaton dako gyud og posibilidad nga makabaton kini og positibong resulta.
Daghan ang nahugyaw sa iyang kaanyag busa daghan ang nakapangutana kung unsa ang gisunod niya nga beauty ug diet regimen ug suma pa niya,” Nothing in particular. Because I have to wear a lot of make-up when I work, I always make sure to take it all off and moisturize afterwards. As for diet, I eat a lot of veggies and foods that are rich in protein especially after I work out.”
Tsika pa ni Angeli nga ang iyang mga mata maoy gi-isip niya nga iyang best asset gumikan kay mopakita kini sa iyang personalidad.
“Eyes express a lot about a person and I think it's through my eyes that you'll get to know the real me,” niya pa.
Partikular si Angeli pagpili og “future husband” ug kinahanglan nga mu-respeto gayud kini sa matag desisyon nga iyang maumol.
“Someone who takes the lead and at the same time respects my decisions. He would also have to have sense of humor but knows when to be serious and when to be fun. And has nice arms,hehe,” tsika pa ni Angeli.