Vina naghahanap ng mapapangasawa!

Aminado si Vina Morales na pressured siya sa pinakabago niyang proyekto. Ngayon ay magbibida si Vina ng isang Broadway-musical na Rocks of Ages. “Stressful, I get butterflies in my stomach every time na naiisip ko ‘yung script, ‘yung singing na gagawin namin, ‘yung mga songs. The dancing kasi nandito lahat eh, acting, singing, dancing, so para sa akin walang take two ito. So talagang nakaka-stress. But you know I am praying hard na maganda naman ‘yung kalalabasan and I am really focusing on it. Now I am really learning my script, learning my songs,” pahayag ni Vina.

Sobrang abala raw ng aktres sa kanyang career ngayon kaya hindi niya masyadong napaglalaanan ng panahon ang kanyang buhay pag-ibig. “Ito ‘yung sinasabi ko na it’s been three years na hindi ako nag-date. Siguro para sa akin nagbigay ako ng panahon sa anak ko saka I wasn’t ready to date. Now I have realized na I think kailangan naman na may makilala naman ‘di ba? I have to move on and by that mas okay na ako ngayon and I am open to date now and I am open to relationships. Bahala na si Lord basta kung sino man ‘yun, bahala na, but I know he is the best for me,” paliwanag ni Vina. “Basta this time I am ready for a relationship. Hindi ko naman tinatago eh, let’s wait and see. Only God knows who I’ll end up with,” dagdag pa ng aktres.

Nangangarap din daw si Vina na maikasal siya balang araw. “Alam mo maski sino sigurong babae would like to marry pero I wish sana maibigay na ni Lord because I know in my heart that it will happen someday in God’s time, I believe,” pagtatapos ni Vina

KC friendship lang ang ino-offer kay Jules Knight, ‘di pa handa sa bagong relasyon

Kamakailan ay na-link si KC Concepcion kay Jules Knight na miyembro ng British band na Blake.

 Inamin naman ng aktres na nakalabas na rin sila minsan ng binata. Ayon kay KC ay hindi raw siya nagmamadaling pumasok ulit sa isang relasyon. “Just because nanligaw kailangan siya na, but it’s always nice to let them know that you appreciate them. But you’re also not ready, but I told Jules that also,” nakangiting bungad ni KC.

Tuloy pa rin daw ang komunikasyon nina KC at Jules kahit wala na sa bansa ang huli. “But again, he doesn’t even live here so always ‘pag ganoon, where I’m coming from, I’m not ready to make effort yet so much kasi I gave so much of myself in the past,” giit ng dalaga. Kinikilala pa rin daw ni KC si Jules hanggang ngayon. “He’s a great guy, he’s very sweet. Passionate rin siya, he’s really nice but I don’t want to pressure myself porke’t siya ‘yung nandiyan. I think I appreciate him as a friend for now,” giit pa ng dalaga.  -Reports from JAMES C. CANTOS