Plastik ka Cristine!

CEBU, Philippines - Gihulagway nga kaplastikan ang paghalad ni Cristine Reyes sa iyang Box-Office Queen award kang Ara Mina ug sa iyang pamilya. Si Cristine mismo maoy miguba sa iyang credibility gumikan sa iyang sakit nga texts ug pagdaot kang Ara.

Pag-sure mo uy!

Managlahi ang statement nila ni Jojie Dingcong, Derek Ramsay ug Star Cinema Managing Director Malou Santos kabahin sa shooting days ni Derek sa The Mistress. Ang giingon sa iyang manager, naka lima ka adlaw siya sa shooting. Pero ingon si Derek naka seven days siya, samtang three days ra matud pa, kun si Malou maoy pangutan-on.

Angelica ug Derek may problema

Makatabang sa promo sa Every Breath U Take ang pag-angkon ni Derek Ramsay nga may gisagubang karon nga problema ang ilang relasyon ni Angelica Panganiban.

Gimahalan sa abang

Plano ni Cesar Montano nga kasamtangang ibalhin ang iyang Italian restaurant sa old house niya sa Scout Rillo, Quezon City. Gibiyaan ni Cesar ang kanhi niya pwesto sa Morato area kay mi-umento ang monthly rent.

Ikiha Shine!

Biktima sa cyber bullying si Sunshine Cruz ug naglaraw siya og legal action batok sa mga midaot sa iyang pagkatawo.

Mi-menor si Mirriam

Human sa iyang walay preno nga komento kabahin sa mga gay ug lesbian, kabahin sa Ginoo ug Bible verse na ang mga tweet ni Miriam Quiambao nga “ pa-holier than thou “ ang diskarte.

Mag-direktor si Nino

Plano ni Nino Muhlach nga himuan og remake sa TV ang iyang mga pelikula kaniadtong child star pa siya  ug buot niya nga siya maoy direktor sa iyang gilaraw nga TV project.

Gipaagi sa YouTube

Gipagawas na kagahapon sa Regal Entertainment Inc. sa Youtube ang unang teaser sa ilang Independence Day presentation, ang Boy Pick-Up, The Movie nga gibituonan ni Ogie Alcasid…PSN

Ryan tuyuon og paselos si Juday

 Manila, Philippines—Para kang Ryan Agoncillo, normal lang sa managtiayon ang selosan ug aminado siya’ng ingon ani sila ni Judy Ann Santos. Usahay pa gani tuyuon niya og paselos ang iyang asawa.

“Pero hindi siya talaga umaamin na nagseselos siya. Mage-eight years na kami together pero hindi niya talaga inaamin. Pero habang nagpapawis ang labi, hindi umaamin,” komedya pa ni Ryan.

“Saka maganda ‘yung konting may selos para on your toes ba. Kaming dalawa ganu’n. Sadyaan. Saka maganda ‘yung papakita mong lalabas ka ng bahay, pogi ka. Para gusto niyang sundan ka kung saan ka pupunta.

Samtang human sa Grand Finals sa Talentadong Pinoy karong May 5 and 6 sa Quezon City Memorial Circle, musunod dayon ang bag-ong season sa maong reality show.

Gwen Garci balik pa-sexy

Balik showbiz ang kanhi Viva Hot Babe nga si Gwen Garci human sa tulo ka tuig nga pagpahulay. Mipirma na siya og bag-ong kontrata sa Viva Artists Agency and this time, promise niya nga humanon gyud ang iyang contract.

Kahinumduman nga wala mahuman ni Gwen ang iyang kontrata sa Viva sanglit na -in-love siya sa usa ka Italian chef and got pregnant.

“Nang mabuntis ako, nagtago ako sa Beijing (China) kasi nga mas pinili ko na ring bumuo ng family at nasa mind set ko na ‘ito na talaga, wala ng atrasan’. Eh, nahuli kong may ibang babae, so parang nagising ako na hindi pa kami,”  tsika pa niya.

One year old na ang iyang anak nga pagka-cute naman lang nga bata.

Samtang sa iyang pagbalik may pelikula dayon si Gwen, ang Basement ubos sa Reality Productions sa direksyon ni Topel Lee…. Vinia Vivar/PM

Jessica matagak karong semanaha?

May mga prediction nga matsugi si Jessica Sanchez sa American Idol sa Huwebes hinungdan nga last performance na niya karong semanaha.

Supak ang mga Pinoy kay misaad sila nga himuon ang tanan aron dili matinuod ang prediction. Subli na pud sila nga nangampanya nga butaran ang Fil-Am singer para makaabot siya sa grand finals gumikan kay deserving siya nga mamahimong bag-ong American Idol.

OA Kaayo!

Manila, Philippines—Exaggerated ang balita nga miburot ang nawong ni Rocco Nacino gumikan sa labihang paghubag niini human mikaon og exotic food sa shooting sa Lam-ang sa Ilocos Sur.

Over-acting pud ang tsismis nga dili na makasulti si Rocco kay apektado matud pa sa paghubag ang iyang speech.

Tataw nga imbento ang balita gumikan kay nakapag-shooting pa si Rocco, pipila ka oras human sa iyang nahiaguman. Nakakita pa man gani ko sa TV dihang iyang gisaysay ang nahitabo.

Marian best in promote

Visible sa TV si Marian Rivera gumikan kay i-promote niya ang iyang bag-ong sitcom, ang Tweets for my Sweet nga magsugod na karong Domingo.

Natural ang pagka komedyante ni Marian busa bagay na bagay siya sa mga sitcom. Co-stars ni Marian sa Tweets for my Sweet sila si Nova Villa, Roderick Paulate, Sheena Halili ug Chef Boy Logro.

Dili na magkabalik

Wala nay paglaum nga magka-uli pa si Senator Francis “ Chiz “ Escudero ug ang iyang misis nga si Cristine.

Never nga mitingog si Senator Chiz kabahin sa ilang panagbuwag ug mao pud si Cristine.

Nahimuan og showbiz angle ang break-up sa marriage sa ex-couple gumikan kay na-link si Cristine sa dancer nga si Jason Zamora. Natsismis pud kaniadto si Senator Chiz kang Kris Aquino pero namatay ang isyu kay dili tinuod.  

Matinuod gyud ang Part2

Sila si JayR ug Krista Kleiner ang makauban ni Richard Gutierrez sa show sa GMA Pinoy TV sa Honolulu, Hawaii.

Break na sila si JayR ug Krista pero sa pagpunay nila og out of the country shows nila, dili hanap nga makabaton og part 2 ang ilang love affair.

Luis May 13 mulugwa sa SC

Sure na ang live guesting  ni Luis Manzano sa Showbiz Central sa May 13 isip birthday presentation sa iyang girlfriend nga si Jennylyn Mercado.

Ex-deal ang guesting ni Luis sa Sunday showbiz talk show sa GMA 7 gumikan kay gisugtan si Jennylyn nga umapir ug muduwa sa Deal or No Deal adtong Sabado…. Lolit Solis/PSN, PM

Dakong hagit ni Janica

Nakulbaan apan naghinam-hinam na pag-ayo ang pambato sa dakbayan sa Sugbo nga si Janica Lim Burasca alang sa Miss Earth-Philippines 2012 nga mahitabo karong Mayo 27 didto sa SM Mall of Asia.   

Gisaad sa 19-anyos nga si Janica nga buhaton gayud niya ang kutob sa iyang mahimo aron lang gayud makakuha og titulo ang Siyudad sa Sugbo sa nahisgutang indigay.

“Grabe kakulba pero proud kay ko ako’y nagdala sa Cebu City,“ nagkanayon si Janica sa esklusibong pakighinabi niini sa Banat News Hugyaw.

Tua na karon sa kaulohan si Janica alang sa pre-pageant activities sa Miss Earth-Philippines ug nagbaha usab ang iyang gisagubang nga mga trainings.

Gipasigarbo ni Janica ang Sugbo ngadto sa ubang contestants gumikan kay “hospitable” ang mga tawo ug maayo usab ang programa sa lokal nga kagamhanan kalabot sa pagprotektar sa kalikupan.

Matud pa niya nga hingpit gyud ang pagpatuman sa siyudad kabahin sa pagbahig sa basura ngadto sa malata ug dili-malata.

Nagpadayon usab karon ang pag-recycle sa mga butang nga mahimo pa nga gamiton.

“Kung i –recycle ang mga butang nga mahimo pa nga magamit, mogamay ang volume sa basura, nindot kaayo na nga program para nako,” dugang pa ni Janica.

Dugang pa niya nga wala pu’y hunong ang siyudad sa nagkadaiyang clean-up drive sa kadagatan ug kasapaan.

Dili na bag-o alang kang Janica ang pagsalmot sa indigay sa kaanyag, ug pipila sa iyang mga titulo naglangkob sa Miss Silka 2010 (2nd runner-up) ug Miss Olive-C Cebu 2011 (grand winner).

Si Janica kansang vital statistics, 32-22-35, may gitas-on nga 5’4.

Masaligon si Janica nga todo nga suporta sa mga Sugbuanon kaniya ug usa sa gihimo niya nga inspirasyon karon mao ang Kahitas-an.

Kasamtangang nagtungha si Janica sa University of San Jose Recoletos sa kursong BS Nursing.

Aminado si Janica nga dili basta-basta ang pagsalmot sa Miss Earth-Philippines sanglit nag-agi sila og bug-at nga screening aron mahashasan ug mapili ang angayan nga mahimong kandidata niini.

Matud pa niya nga mukabat ngadto sa 46 ka mga kandidata ang magtigi karong tuiga sa nahisgutang indigay busa naghangyo si Janica sa mga Sugbuanon nga ubanan siya sa pag-ampo.

Suportahi si Janica pinaagi sa Online Voting. Bisitaha ang Miss Philippines Earth (Official)’s Profile. (BANAT NEWS)