CEBU, Philippines - Pag-ampo karon sa kanhi PBB housemate Yen Santos nga muabot ang “break” sa showbiz nga iyang gipaabot, pinaagi sa nabalita sa milabay nga tuig nga siya na maoy sunod nga ilusad to full stardom, pinahaom sa rota nga giagian ni Cristine Reyes kinsa nagsugod isip sexy star ug karon nahimo na nga dramatic actress.
Ang maangyag ug alegre kaistorya nga si Yen, dinhi sa Sugbo adtong Sabado alang sa final draw sa “A Million Thanks” raffle promo sa Gaisano Inc. ug sa launching sa “Gaisano Balamban’s Sakyanang Pangnegosyo” raffle promo. Kauban niya nga mipasundayag didto sa Balamban ug diha sa Gaisano Country Mall ang cast sa WakoWako nga si Marrki Stroem.
Si Yen nga nahinabi sa pipila ka mga sakop sa Entertainment Group (E-Group) atol sa usa ka lamiang paniudto diha sa Lighthouse Restaurant-Mango, miingon nga andam niyang buhaton ang tanan, aron dili mauwawan ang ABS-CBN management sa higayon nga makahukom na kini paghatag kaniya og break. Interesado siya sa plano nga ang career path ni Cristine Reyes maoy iyang subayon apan kinahanglan gyud niya pa nga mangandam og maayo.
“Kailangan ko mag-gym. Kailangan ko mag-workout, kailangan ko mag-diet,” niya pa.
Walay uyab ug wala pay regular project si Yen pagkakaron. Wala pa pud siya pahibaw-a sa management unsay sunod niya nga project human sa Ikaw Ay Pag-ibig adtong Disyembre. Hinuon guest siya sa Wansapanataym karong Sabado starring Xyriel Manabat, diin usa siya ka Barbie doll sa istorya. Kung ano lang ang dumadating sa akin ngayon, yun lang. So kung dadating yung time na magkakaroon ako ng break, yun. Siyempre po, bilang artista yun ang hinintay, ang magkakaroon ng break sa showbiz. So siyempre po: Wow! Pero marami pa po akong dapat patunayan, marami pa akong dapat matutunan. Kailangan aral aral. Hindi kasi yun basta basta. Kailangan pag-ibinigay yan sa’yo kailangan patunayan mo na hindi sila nagkamali,” nagkanayon siya.