Kahapon ang balik ni Dingdong Dantes mula sa four-day trip to Malaysia to promote Endless Love. Puno ang schedule ni Dingdong sa apat na araw niya sa Malaysia dahil may live chat, may meet-and-greet session, at nag-guest siya sa Wanita Hari ng TV3, at sa napanood namin sa YouTube ay ipinakuwento ng mga hosts ang love story nila ni Marian Rivera at tinanong pa ang aktor kung nag-propose na ng marriage sa actress girlfriend.
Na-feature rin si Dingdong sa Berita Harian, major newspaper sa Malaysia, at nag-trending sa Twitter doon ang pagbisita niya. Hinanap ng Malaysian fans sina Marian at Dennis Trillo at matutuwa ang fans dahil nangako si Popoy Caritativo, manager ng aktor, na dadalhin din doon si Dennis. Isama na rin niya si Marian at tiyak na marami ang matutuwa.
Hopefully, ipalabas din sa Malaysia ang My Beloved at tiyak na kikiligin ang Malaysian fans sa maraming kissing scenes nina Dingdong at Marian.
Angelica hindi pa alam kung gusto na ang magpatawa o mag-drama
Hindi na na-interview ng one on one sina Piolo Pascual at Angelica Panganiban after ng general presscon dahil may dubbing pa ng kanilang Every Breath U Take ng Star Cinema na showing sa May 16.
Sabi ni Angelica, kaya may chemistry sila ni Piolo dahil hindi siya nag-inarte at kung ano ang naramdaman niya, inilabas niya. Big help na magkakilala sila ng leading man, kaya siguro wala siyang kiyeme sa kissing scene nila at sa eksenang hinawakan niya ang abs ng aktor.
Sa tanong kay Angelica sa kung anong gustong puntahan ng career, kung magpaka-dramatic actress o comedienne? Maganda raw kung nililito niya ang tao para ’di siya pagsawaan at masarap mag-experiment.
Drama ang next film niya sa ABS-CBN at magsasama sila nina Dingdong Dantes at Angel Locsin.
Krista nakipag-lips to lips sa bisexual
Na-post sa Internet at nai-report sa TV5 ang lips to lips nina Krista Kleiner at Mocha sa fourth anniversary bash ng Playboy Philippines na ginawa sa Midas Hotel. Ang nasabing eksena ay isa sa mga highlight ng gabi.
Nagtatanong tuloy ang mga nakasaksi at nakapanood sa news report ng TV5 kung makikipag-lips to lips si Krista kung sila pa ni JayR? Ano kaya ang masasabi ni JayR sa ginawa ng ex?
The Road ipapalabas uli
Sasabayan pala ng GMA Films ng showing dito ng The Road ang red carpet premiere ng pelikula sa May 9, sa Arclight Hollywood sa Sunset Boulevard, Hollywood, California.
Muling ipalalabas dito ang nasabing pelikula sa nasabing petsa, kaya ’yung mga hindi nakapanood the first time na ipalabas ang pelikula na idinirek ni Yam Laranas ay may chance to watch the movie. Malalaman kung bakit nakapasa ang movie sa panlasa ng Freestyle Releasing at idi-distribute sa States at Canada simula May 11.
Ipalalabas na rin ang The Road sa Singapore and hopefully, sa iba pang parte ng Asia para mapanood kung paano gumawa ng horror movie ang ’Pinas!