Si Rudy Fernandez ang naaalaala ko nang pumunta ako sa birthday dinner ni Shalani Soledad-Romulo noong Biyernes sa bahay nila ni Congressman Roman Romulo sa Valle Verde 3, Pasig City.
Mongolian food ang handa ni Shalani at na-remember ko si Rodolfo dahil favorite nito ang Mongolian.
Biglaan ang birthday dinner ni Shalani kaya hindi ito nakapag-imbita dahil nanggaling pa siya sa isang convention sa Cebu City.
Wala sa plano ni Shalani na babalik agad siya sa Metro Manila pero kinumbinsi siya ni Papa Roman dahil ito ang punong abala sa pag-iimbita.
Picture of a happy and contented wife si Shalani nang magkita kami sa bahay na pansamantala na inuuwian nila ni Roman.
Ang mag-asawa ang personal na nag-aasikaso sa mga bisita na very close sa kanila.
Wala sa birthday dinner ang mga magulang ni Papa Roman dahil may pinuntahan sila na wedding sa Baguio City pero nandoon ang mga kapatid niya na sina Guadalupe, Mons at Erwin.
Dumating sa birthday dinner ang Mommy Evelyn ni Shalani at ang kapatid nito.
In fairness to me, nag-stay ako nang matagal sa birthday dinner ni Shalani dahil nalibang ako sa pakikipagkuwentuhan sa ibang mga bisita.
May-I-ask ko si Papa Roman sa birthday gift niya sa kanyang misis at sumagot siya ng “Siya na lang ang tanungin n’yo.”
Nang usisain ko naman si Shalani sa regalo sa kanya ni Papa Roman, nag-dialogue siya na tanungin ko na lang ang mister niya.
Sobrang compatible ng mag-asawa dahil pati ang mga sagot nila, parehong-pareho.
Obvious na happy din si Papa Roman sa buhay may-asawa.
Bumata ang kanyang itsura at palaging nakangiti. Ibang -iba sa bachelor Roman na nakilala ko noon na seryoso at shy type.
Wish ko na magkaroon na ng baby sina Shalani at Papa Roman para ma-complete na ang kanilang happiness.
Samantala, tuloy na tuloy ang pag-apir ni Shalani sa Game ‘N Go, ang game show ng TV5 na malapit nang magsimula sa susunod na buwan.
Nagpagawa na si Shalani ng mga t-shirt na may litrato niya at may logo ng Game ‘N Go.
Looking forward na si Shalani sa pag-uumpisa ng Game ‘N Go dahil patapos na ang renovation ng lovenest nila ni Papa Roman.