Mao na ni all over the world! Usa na pud ka Domingo ang atong saw-an nga puno sa kalipay. Nalipay ang inyong Yur’s truly gumikan kay bisan kuwang na sa pahulay kay na busy aning panginabuhi para mabuhi aning kalibutana, wala ko nireklamo kay panagsa ra man kini mahitabo--maayo kining rakita kay makatabang sa mga bayrunon sa panimalay. Nalipay usab ako kay nakabalhin nako og nindot nga boarding house nga makaingon ka I’m in my second home ug lami kaayo ang akong katulog labi nga ig vocalization (hagok!), hahahhahaha! Lord ikaw ang akong vitamins nga naghatag nako og tumang kusog.
Malipayon ako sa mga semana nga nilabay tungod kay nakauban nako ang mga igsuon nako sa industriya sa paghatag og kalingawan--ang mga gitawag nato og mga Diva’s. Una namo gilugwa ang Sitio Panas, Barangay Guadalupe, CarCar City Cebu, diin hugyaw nga kasinatian gumikan kay atong adlawa murag akong lawas nabun-og. Pagkahapon atong adlawa kay nag-host ko og kasal unya nahuman og alas otso na sa gabii, murag nilupad ang taxi nga akong gisakyan padung sa Cebu Bus Terminal. Pagsakay sa mini-bus murag si Batman ang driver naabot ra ko mga wala pa ang alas diyes. Sakay na pud ko og habal-habal (nga nakadaug ra sa akong lawas. Hahahhaha!). Sa wala’y paglanganlangan gisugdan na ang hugyaw nga presentasyon kauban si Ada K. Rara ug uban pa. Feeling nako murag gipanuhot ang nagtan –aw atong kalingawan kay puwerte man gyud kaayo nilang lingawa sa among kinasingkasing nga pasundayag. Gumikan sa kaabtik ni Mommy Ella Marie Lazaga, nakakuha kini og mga sponsors, nagmalampuson ang maong kalingawan. Pagkahuman sa among pasundayag, freshen up na og balik ang mga sisterettes ug nag-abtikay na og rampa kay dunay disco human sa among pasundayag. Tagay ginagmay ni Tita Girlie, dunay mga nailaila nga mga bag-ong higala sa maong lugar. Nahuman ang rampa namo sa usa ka bundak sa uwan, panugdog ug kilat. Nakauli dayun ang tanang casting sa mansion ni Mommy Ella kay basin makilatan kami. Pagkabuntag, hugyaw kaayo ang lamian nga lafangan nga nisugat sa among pagmata. Unsa ang akong gibanatan nga sud-an? May lain pa? Ang humba nga puwerteng lataa..yumyumyum. Hangtud sa sunod na pud ninyo nga selebrasyon!
Kung Carcar city ang unang gihugyaw namo, pwes, nilayat usab kami sa lungsod sa Pinamungajan para sa ilang kalingawan… ang Business Night nga gimugna sa grupo sa mga negosyante o Movement Vendors Association nga gipanguluhan sa ilang presidente Jeff Lingad diin espesyal kaayo ang iyang pagtratar kanamong tanan, gisugat gyud ang among mga beauty sa siyudad hangtud pag-abot didto. Nakaingon ko nga mao ni siya all over the world! Sama sa Carcar City, lingaw kaayo sila sa mga Cebu’s Diva, inubanan sa mga local talents sa maong lungsod, mas nagmalampuson kini. Gihatud na usab kami sa coaster nga ang ending kay alas singko na sa buntag ug emote kaayo ko nisulti sa akong beautiful anak-anak Angelica nga power nap lang. Pero unsa ba pagkahitaboa nga usa ka minute nalang magsugod nami sa among show. Murag ang akong kalag nagkasalimuang, wa nako naligo, toothbrush nalang katapat ug ilis para ready to face the camera. Nahugyaw ang among director kay mura kuno ko og fresh from the bed. Hahahahaha!
Mapasalamaton kaayo ko sa tanang mga raket nga nahitabo namo nga bisag hangtud sa pagsuwat nako karun sa akong lindog kay medyo gusto nako mugakos sa unlan kay lagari kaayo ang show. Kami usab ang nag-coordinate sa mga kinahanglan sa umaabot nga event sa Eat Bulaga diha sa Lapu-Lapu Hoops Dome karung May 6, 2012.Daghan kaayo silang giandam para kanatong tanan. Busa tutok lang kamo sa GMA 7
Belated Happy birthday to Papa Eddie Deldig.