Unforgettable Jonathan

Photo: Dan Douglas Ong

CEBU, Philippines - Nagpadayun ang usa ka buwan nga kasaulogan sa nag-unang lifestyle show sa Central Visayas ang MagTV Na sa ABS-CBN, diin labing daku nila nga pahugyaw mao ang “house makeover” sa bulahang viewer.

Nagsugod upat na ka tuig ang milabay, ang MagTV unang gilangkuban og upat ka hosts, sila si Erwin Lim, Charlene Go, ug Blinky de Leon. Nawala sa eksena si Charlene ug misulod si Inday Tikay. Mihunong si Inday Tikay gumikan sa uban pa niyang kabilinggan ug nasulod sa maong pamilya sila si McBilly Sy ug Phoebe Fernandez. Duha ka tuig na ang milabay dihang nanamilit si McBilly sa maong programa hinungdan nga nagpahigayon Search for the Next Ka Mags ang nahisgutang show. Migawas nga mananaug niini sila si Borgie Cabigas ug Dan Harry Genson. Sa milabay nga tuig, nanamilit si Dan Harry, hinungdan nga misulod sa eksena si Jonathan Cimafranca. Ug niining bag-o lang mibiya pud sa show si Blinky. Nagsugod sa tulo ka hosts, napun-an ug naibanan. Ug sa paglabay sa upat ka tuig, nahibalik sila sa upat lang ka hosts. Busa angayan lang nga atong tagsa tagsaon pagsinati sila si Phoebe, Borgie ug Jonathan sugod karong adlawa hangtud sa Sabado.:

Banat News Hugyaw (BNH): Unsa na ka kadugay isip host sa MagTV? Giunsa nimo pagkahimong host niini?

Jonathan: Nagsugod ko isip usa ka host sa MagTV Na pag July 2011. Akong first segment kay nagpakita sa nagkadaiyang services nga gihatag sa Halad Sa Kapamilya.

BNH: Unsay dili nimo malimtan nga segment nga imong nahimo? Ngano man?

Jonathan: Ang segment nga naka inspire gyud nako pagmaayo kay ang outstanding student nga si Tiffany Roa. She was a student who never gave up. She didn't allow her struggles put her down. Naninguha gyud siya pag-ayo aron makahuman gyud og eskwela: working student, nagtutor, student council president, nag-manage og business, and still maintaining excellent grades! And I got moved on what she said na "Poverty is never a reason".

BNH: Unsa para nimo ang rason nganong malungtaron ang MagTV?

Jonathan:  As the MagTV tagline goes "Muhatag mi og da best na kalingawan, impormasyon, ug inspirasyon." Sa MagTV, wala gi-focus kung kinsa ang host kung di sa content sa show or sa mga segments nga muhatag og "kalingawan, impormasyon, ug inspirasyon" sa atong mga kamags. Another reason would be that magpaduol gyud mi sa among mga viewers, the hosts and staff kay makig migo gyud, ug muhatag pud mi og tabang sa atong mga kamags.

BNH: Unsay mga kalisdanan nga imong naagian isip host sa MagTV? Giunsa nimo kini pagsagubang?

Jonathan: Honestly, naglisud jud ko sa mga lawom na kaayo nga bisaya ug sa pag-pronounce niini kay di man kaayo ko mugamit sa uban words kay conversational bisaya lang. Well karon, medyo naanad anad na sa cge'g practice og litok ani pero usahay mabulol lang gihapon.

BNH: Unsa pa nga mga segment ang buot nimong buhaton o topic nga buot nimong tukion sa MagTV kun mahatagan og kahigayonan?

Jonathan: Pag-apil nako sa MagTV Na team, nakita gyud naku how the hosts and the staff are off cam. Grabi gyud ka humble and lingaw! Really down to earth gyud plus tabangan ka to improve as a host. Everyone treats each other as family. So kung naay higayon, gusto ko muhimo og segment with different hosts from different regions of MagTV. Gusto nako ma-meet ang ilang mga hosts pud and staff.

BNH: Ihulagway ang MagTV sa usa lang ka pulong.

Jonathan: Uplifting.