Krizza gidepensahan ni Chen
CEBU, Philippines - Gihimakak ni Chen Sarte ang report nga matud pa nga si Krizza Neri ang rason sa breakup nila ni Aiza Seguerra. Matud pa niya nga malinawon ang ilang panagbuwag ug silang duha mismo ang nakahukom nga putlon ang ilang relasyon.
Go Jay-R!
Nagmalaumon si Jay-R nga sugton siya pagbalik sa iyang ex- girlfriend nga si Krista Kleiner. Gibarugan karon ni Jay-R ang iyang prinsipyo nga luwason gyud ang usa ka relasyon kung napa’y pagbati sa usa’g-usa.
Niño mitiyabaw
Nakahilak ang kanhi child wonder nga si Niño Muhlach atol sa 1st MTRCB Child Summit nga gipahigayon sa Malacañang sa miaging adlaw. Naghilak si Niño samtang gisaysay ang, "Ngayon pa lang natin pinag-uusapan ang child labor laws... dati ang [talent fee ko] 100 percent sa trust fund ko. Mga stars ngayon, bahay ang pinapatayo, ako building ang pinapagawa. Salamat sa daddy ko,” suma pa ni Niño.
Nagkainit nga away
Aduna na resolusyon nga gihulma ang reklamo nga gisumiter ni Annabelle Rama sa Office of the City Prosecutor sa San Juan. Dismissed ang theft at kidnapping complaints batok kang Nadia Montenegro.Kinahanglan pa nga mo-post og bail ni Annabelle alang sa grave oral defamation ug grave coercion nga gipasaka ni Nadia batok kaniya.
Kiko wala pa madawat
Gitataw ni Sharon Cuneta nga iyang na-feel nga wala gihapon dawata sa iyang uyoan ug iyaan nga sila si Helen Gamboa ug Senator Tito Sotto ang iyang bana nga si Senator Kiko Pangilingan. Taud-taud na nga wala magtingog ang duha ka kampo.
Shaina nausab na
Giingong nausab na karon si Shaina Magadayao gumikan kay nawala na gamay ang iyang pagkaselosa. Apan giklaro niya nga dunay panahon nga magselos siya apan nagdepende lang kini sa sitwasyon. (BANATNEWS)
- Latest
