David Foster bilib kay Gary pero hindi kina Martin at Lani!

SEEN: Kumpirmadong hindi na kasali si Edu Manzano sa Game ‘N Go ng TV5, ang supposed Monday-to-Saturday noontime game show ng TV5 na magiging weekly na lang.

SCENE: Hangang-hanga si Da­vid Foster sa singing talent at pa­giging total performer ni Gary Valenciano. Pero hindi na-impress si David kina Martin Nievera at Lani Misalucha.

SEEN: Ang engrandeng fireworks sa unang gabi ng La Laguna Festival sa Provincial Capitol ng Laguna. Pro­ject ni Governor ER Ejercito ang La Laguna Festival na nag-umpisa noong April 20 at magwawakas sa April 29.

SCENE: Hindi nakilala si Eva Eugenio sa guesting niya sa Sarah G. Live! Noong Linggo dahil malaking-malaki ang ipinagbago ng kanyang mukha. Nakaka-miss ang original face ni Eva.

SEEN: Aliw na aliw sa mga jeepney ang international young singer na si Greyson Chance. Dinagsa ng young Filipino fans ang concert ni Greyson sa Smart Araneta Coliseum noong Linggo.

SCENE: Nagtagumpay na mapansin ang kongresista na nagsusulong ng panukala na ideklara si Nora Aunor bilang National Artist dahil lahat na lang ng mga supporter ng veteran stars, inirerekomenda rin na maging National Artist ang kanilang mga hinahangaang artista.

SEEN: Kamukha ni Dina Bonnevie si Ondrea Bliss, ang apo niya sa mag-asawang Oyo Sotto at Kristine Hermosa.

Walang nakuha si Ondrea sa features ng kanyang ina.

SCENE: Handang-handa na ang TV5 sa grand press launch ng Sharon Kasama Mo Kapatid, ang talk show ni Sharon Cuneta. Walang pahinga si Sharon dahil magkakasunod na araw ang tapings niya para sa kanyang talk show.