Tsika lang?

Singer kumpirmadong bayot Mao na ni all over the world! Mga Ka Tribung BisChikadora! Daghan kaayo kung giandam nga mga BisChika alang lang gyud kaninyo. Straight to the point ang akong drama karun ug mao kini : singer gihungihong nga berde og dugo kay confirmed gyud sa atong BisChikadora . Bisag ako makaingon nga berde siya og dugo kay bisan ako mismo magtan-aw niya sa telebisyon ang akong lana kay magbukalbukal, hahahhahaha! Pero sa dihang nibisita kini sa Sugbo para sa usa ka event didto siya naka check- in sa usa sa mga hotel nga nahimutang sa Mandaue City, kini ang nakaHugyaw kay sa dihang ang singer muadto na sa iyang lawak, of course di siya ganahan maghagdanan nag-elevator kini. Pero pag-abli sa pultahan nga dunay nagsakay og gabitbit og cute kaayo nga iro kalit kining gipaghot si singer aw! aw! aw! ug naHugyaw ang atong BisChikadora sa reaksiyon sa singer kay nisinggit kini ug ang tingog kalit lang og kalami: " aaaayyyyyyyy! Ano bayan? " hahhahahahaha! Mao na ni all over the world!

Pero kini kay tinuod gayud nga si EB Babes Zaida ni-resign na sa grupo nga EB Babes sa Eat Bulaga. Gipangutana man gyud nako siya nganong wala nako kita niya matag udto kay gimingaw nako niya nga mo lenggua og "yes I washed it. " Gikumpirma kini niya sa dihang nagkuyog kami sa audition nila diri sa Sugbo sa usa ka mall, ang Pambato ng Barangay o PNB. Tumong niini ang pagpangita og bag-ong miyembro sa EB Babes o adunay pormahon nga bag-ong grupo ang Eat Bulaga. Infairness to Zaida, gwapa siya bisan pagkahuman sa audition, wala na siya'y make up kay padung na ang among grupo mangaon. Ako siyang gipangutana kung kinsa ang nag-handle sa iyang career, ang mubo niyang tubag kay " Si Tita Malou ng Eat Bulaga po." Pagkakaron iyang gibansay ang iyang kaugalingon pinaagi sa mga workshop para sa iyang umaabot nga mga proyekto dili na siya maglisod. Sa akong pagtan-aw niya look- a-like gyud sila ni Sam Pinto. Ako pa siyang gi-ingnan nga akong nakit-an ang ilang showdown sa EB atong panahuna makaingon ko nga mas may sex appeal kining si EB Zaida kumpara kang Sam Pinto. Kung mahatagan kini og tukmang proyekto sigurado gyud ko nga mo broom, broom, ang iyang career. Pagpangaon namo bongga ra pud kay dili siya arte, mokatawa sa akong mga ginagmay nga joke, joke, joke!

Congratulations sa atong mga winners sa Hot Mama sa Cambaro 2012 nga gipanguluhan sa ilang abtik nga president Jay R. Yosores. Ang mga winners mao ang musunod: 2nd Runner Up - Shane Castillo Lugas nga mao ang nakakuha sa Best in Sports Wear, Best in Evening Gown ug Best in Talent, 1st Runner Up- Divina Lumapas ug ang nakoronahan kay si Hazel del Castillo nga mao pud ang nakakuha sa special awards nga Best in Casual Wear ug Best in Beautiful Smile.

Congratulations to Urban Homes Tipolo "Where Family Life Matters. "

Belated Happy Birthday to our Associate Producer sa BuenaMano Balita GMA 7 nga si Florelin Orozco gikan sa imong BuenaMano family!