MOR modalit og libreng kalingawan

CEBU, Philippines - Ang MOR 97.1 Lupig Sila makigsadya sa mga taga dakbayan sa Lapu-Lapu sa pagsaulog nila sa tinuig nga Kadaugan sa Mactan.

Matud pa sa head sa MOR nga si Jackie G. nga mopahigayon sila og libreng kalingawan karong Abril 27 -28 diha dapit sa karaang bridge diin mupabaha sila og mga games ug mga song ug dance numbers uban sa local Kapamilya stars ug isunod dayon ang libreng disco.

Kabahin lang kini sa Kadaugan sa Mactan- Grand Mardigras Street Party ug aminado si Jackie G nga dagsaan kini sa mga tawo.

Gihimo nila ang maong kalihukan isip pasalamat sa mga listeners nga walay hunong nga nagsunod sa ilang mga programa.

Libreng Disco sa 99.5 RT

Modalit og libreng disco party ang 99.5 RT Nindota Ah! isip partisipasyon sa tinuig nga Kadaugan sa Mactan.

Matud pa sa head sa maong istasyon nga si AJ Ocampo   nga mopahigayon sila og libreng disco karong Abril 27 -28 diha dapit sa bag-ong bridge (kilid sa highway) diin mupabaha pud sila og mga games alang sa mga tawo ug dunay ganti nga madawat ang mga mananaug.

Suma pa ni Ocampo nga kabahin lang kini sa mga naglinya nga nga mga kalingawan alang sa katawhan ug duna pa’y dugang mga kalingawan nga nag-atang human sa maong kalihukan.