Ex ni Aiko uyab ni Ara?

Manila, Philippines --- Dili aware si Aiko Melendez nga nagka relasyon sila si Ara Mina ug ang iyang ex-boyfriend nga si Patrick Meneses base sa pangutana ngadto niya nga gipaagi sa Twitter. Nalambigit ang ngalan sa maong politician sa mga text messages ni Cristine Reyes ngadto sa iyang maguwang. Nabuking sa mga text messages nga nagka relasyon matud pa si Ara ug Patrick.

Of course, wala pay kumpirmasyon gikan kang Ara unsa ka tinuod nga may relasyon sila sa ex-boyfriend ni Aiko. Nahibulong lang mi nganong sa tanang artistang babaye sa showbiz, si Ara gyud ang giuyab sa maong politiko.

Di ba nagkaaway man sila si Aiko ug Ara sanglit human sa relasyon nila ni Aiko ug Jomari Yllana, ang sexy actress maoy misunod. Nahuman na ang maong chapter tali nila ni Aiko ug Ara dihang miabot sa kinabuhi sa actress-turned politician si Patrick. Pakyas ang maong relasyon nga misampot pa gani sa kinihaay.

Karon kang Ara na-link si Patrick. Tayming lang ba nga ang kanhi kontra sa iyang ex-girlfriend ang gipanguyaban sa maong Bulacan official?.

A million final

Ipahigayon na gayod karong Sabado, Abril 28 ang katapusang pagbola sa Gaisano Main, Country Mall, Balamban ug Gaisano Bogo “A Million Thanks” raffle promo. Mahibaw-an na gayod kung kinsay mga palarang mananaug sa ika-upat ug katapusang Mazda nga awto ug mga home appliances. Kini ipahigayon diha sa Gaisano Balamban Town Center parking area alas-tres (3p.m.) sa hapon uban sa mga sikat nga artista nga sila si Markki Stroem ug Yen Santos. Pagka alas- otso (8p.m.) sa gabii, mohimo gihapon sila og pasundayag diha sa Gaisano Country Mall. Kahinumdoman nga kini si Markki Stroem nisugod og sikat dihang nahimo siyang grand finalist sa Pinoy Big Brother. Human niadto, nahimo na siyang usa sa mga artista sa fantaseryeng Wako-wako ug ingon man usa sa regular mainstay sa ASAP. Samtang si Yen Santos nakita usab sa ABS-CBN “Growing -up”. Atol sa ilang pasundayag diha sa Gaisano Balamban Town Center idungan usab ang launching sa bag-ong raffle promo “Sakyanang Pang-Negosyo”. Manghatag ang maong tindahan og passenger-type nga multi-cab, duha ka motorsiklo ug mga linibong gift certificates ug mga grocery items.