Manila, Philippines --- Mitumaw karon ang mga pangutana kung nadayon ba ang tigom kagahapon tali nila ni Katrina Halili ug sa GMA-7 executive nga si Lilybeth Rasonable. Matud pa nga gitambagan karon si Katrina nga ipapas ang iyang gipang-tweet. Dunay taho nga migawas nga giunhan lang ni Katrina ang nahitabo sa taping nila niadtong April 13 alang sa serye nga My Beloved. Giingong gitinuod ni Katrina ang pagsagpa ngadto kang Marian ug human sa maong eksena, mideretso dayon si Marian sa tent ug nanunod kaniya ang mga staff. Sa pagsuwat niining balitaa, nagpakahilom pa si Marian ug ang iyang manager nga si Popoy Caritativo. Giingong human sa maong hitabo, mi-post dayon og mensahe si Katrina sa Twitter.
Kris mipahuway sa Twitter
Gimingaw na ngadto kang Kris Aquino ang iyang mga followers sa Twitter. Giingong mihunong una si Kris sa pag-tweet agig tuman sa tambag sa iyang mga higala. Samtang nagpadayon karon sa taping si Kris sa teleseryeng Kailangan Ko’y Ikaw ug busy usab kini sa Kris TV. Karong Domingo ug Lunes (April 22 ug 23), sa Puerto Princesa siya mag-taping, hinungdan nga malantawan ang tourist spots sa Palawan. Aduna na pud siya’y bag-ong endorsement ug karong Biyernes na ang shooting sa iyang TV commercial.
Bea ug Jake gipasidunggan
Ang mga bida sa Alice Bungisngis nga sila si Bea Binene ug Jake Vargas maoy napili nga Most Promising Love Team sa Box Office Entertainment Awards sa Guillermo Mendoza Memorial Scholarship Foundation, Inc. Samtang hapit na makuhaan og proyekto ang magka-loveteam gumikan kay hapit na mahuman ang Tweenhearts ug wala pu’y balita kung unsa ang ilang next project human sa Alice Bungisngis. (Nitz Miralles/ PSN)