Manila Philippines— Nagpadayon ang swerte ni Martin Escudero. Human sa kalampusan sa Zombadings, nalakip siya sa cast sa Moron 5 and the Crying Lady nga gipaabot nga mupatong na sa P100M ang kita ugma. Adtong Huwebes, mihipos na kini og P75M hinungdan nga nag-thanksgiving party dayon ang Viva para sa tibuok cast.
Pero wala makatambong si Luis Manzano kay may taping kini para sa iyang game show Deal or No Deal diin guest niya ang iyang inahan nga gobernadora sa Batangas nga si Vilma Santos. Absent pud si Billy Crawford nga nangandam na para sa iyang pagbalik sa France.
Pero, ang tulo ka Moron 5 – Marvin Agustin, Martin ug DJ Durano kauban sila si John Lapus ug director Wenn Deramas didto ug excited nga midawat sa ilang bonus. Dili lamang tseke ang gidawat nila, kundi ang maayong balita nga may part 2 ang maong pelikula. Ambot unsaon ni pagkalaki ni Direk Wenn nga may siyam pa man ka pelikula nga naglinya aron iyang himuon.
Miingon ko nga swerte si Martin Escudero gumikan dili siya maoy original nga choice sa role niya sa pelikula, kang Kean Cipriano kini. Nawala lamang si Kean sa cast gumikan kay kinahanglan na niyang himuon ang usa ka pelikula sa Star Cinema, adtong panahon nga sugdan na ang shooting sa Moron 5. Si Boss Vic del Rosario ang mihukom nga mangita na lamang siya og lain ug si Martin maoy gipili.
Samtang gumikan sa kalampusan sa Moron 5, plano sa Viva nga tagaan og solo project si John Lapus . Gidayeg ug gipakpakan ang performance ni Sweet sa pelikula….