SEEN: Nagkusa ang direktor ng Gandang Gabi Vice na “takpan “ ang dibdib ni Ethel Booba na nakaluwa sa guesting nito sa show ni Vice Ganda noong Linggo.
SEEN: Katawa-tawa si Toni Gonzaga sa sinabi nito na marami nang beses na nag-audition sa PBB ang teen housemate na si Alec Dungo pero nang tanungin ito, sumagot ito na dalawang beses lamang siya na sumali sa audition.
SCENE: Walang itulak-kabigin sa mga kandidata ng Bb. Pilipinas 2012 dahil magaganda silang lahat. Sa Linggo, April 15, ang grand coronation night ng Bb. Pilipinas 2012.
SEEN: Sina Iza Calzado, Xian Lim. Georgina Wilson, at Venus Raj ang mga host sa grand coronation night ng Bb. Pilipinas 2012.
SCENE: Hindi kinasasawaan na panoorin ang paulit-ulit na replay ng ANC sa interview ni Tina Monzon-Palma kay June Keithley dahil sa inspiring story nito at ng asawang si Angelo Castro, Jr.
SEEN: Ang maganda at malakas na impact ng television trailer ng Princess and I, ang bagong primetime show ng ABS-CBN na magsisimula sa April 16.
SCENE: Nag-aagawan sa Twitter Queen title sina Sharon Cuneta at Francine Prieto dahil pareho sila na masipag sa pagsagot sa mga tweet ng kanilang followers.
SEEN: Nagsimula na boxing training ni Congressman Manny Pacquiao. Dalawang buwan ang itatagal ng ensayo ni Pacquiao bilang paghahanda sa laban nila ni Timothy Bradley sa June 9, 2012.