"Resign issue" gitubag na sa Dos

CEBU, Philippines - Gihimakak sa ABS-CBN management ang report nga mi-resign matud pa sa noontime show nga It's Showtime” ang direktor niini nga si Bobet Vidanes gumikan kay matud pa wala sila nagkasinabot ni Vice Ganda.

Ang ABS-CBN Corporate Communications head nga si Bong Osorio mihatag og tin-aw nga pagpasabot kung nganong wala sila si Direk Bobet ug Vice sa pipila ka episodes sa It's Showtime. Si Direk Bobet mipahimulos sa iyang "Holy Week break" , samtang si Vice adunay "series of engagements" sa Middle East.

Fil-Am nasulod sa The Voice

Nasulod sa Top 24 sa programang The Voice ang Filipino-American singer nga si Cheesa kung diin nahugyaw kaniya ang publiko sa iyang performance sa pag-awit niya sa "Total Eclipse of the Heart" . “ This is a great opportunity. I’m very grateful. I'm very blessed. You know, it's another chance for me to prove myself and to keep going, keep performing, keep singing," suma pa niya sa dihang nahinabi sa ABS-CBN News.

KP wala pa’y host

Suma pa ni Marvin Agustin nga wala pa siya kapili og host alang sa gi-produce niya nga programa sa TV 5 nga Kanta Pilipinas. Gisaad hinoun niya nga sulod karong buwana niya ipahibalo kung kinsa ang mahimo niya nga host.

Lahi-lahi nga tubag

Nahugyaw si Toni Gonzaga gumikan kay miasoy siya nga kadaghan na nga nagpa-audition ang PBB teen housemate nga si Alec Dungo. Apan sa dihang gipangutana si Alec kalabot niini, mitubag kini nga kaduha ra siya nagpa-audition sa maong reality show.

Ate V mobabag gyud

Gipadayag ni Batangas Governor Vilma Santos nga bakasyon karon sa iyang anak nga si Christian Recto hinungdan nga gisugtan niya kini nga mo-guest og programa sa telebisyon sama sa ASAP 2012. Matud pa ni Ate V nga dili pa siya hingpit nga misugot nga mosulod sa showbiz si Christian.

Xian sa Bb. Pilipinas

Sila si Xian Lim, Iza Calzado, Georgina Wilson ug Venus Raj maoy mo-host sa grand coronation night sa Bb. Pilipinas 2012. Naghinam-hinam na si Xian niini sanglit usa kini ka dakong event ug iyang napanglantawan nga makahatag kini og dakong exposure alang sa iyang career.

Mga rayna sa Twitter

Suma pa nga nagtigi sa Twitter Queen title sila si Sharon Cuneta ug Francine Prieto gumikan kay susama sila nga mga kugihan sa pagtubag sa mga tweet sa ilang followers.

Melai naka-move on na

Tsika pa ni Melai Cantiveros nga sukad sila nagkabuwag ni Jason Francisco, naka-focus na siya pag-ayo sa iyang trabaho. Matud pa sa komedyanteng aktres nga importante kaayo sa usa ka tawo nga higugmaon ang iyang kaugalingon aron dili dayon maapektohan kung dunay mahitabo nga break-up sa usa ka relasyon.

Kathryn gihimong prinsesa ni Daniel

Sama sa karakter ni Kathryn Bernardo sa Princess and I, prinsesa matud pa ang nadawat nga treatment sa aktres gikan sa iyang leading man sa maong serye nga si Daniel Padilla .

“Tinatrato ko po siya na parang prinsesa. Hindi ko po alam kung in love ako, pero ngayon ko lang po ito naramdaman sa isang babae,” suma pa ni Daniel. Matud pa sa aktor nga nasayod si Kathryn sa iyang feelings apan ang problema kung susama ba usab kini og gibati ngadto kaniya. “Alam niya naman po na gusto ko siya, siguro nararamdaman niya rin. At siguro sa dami po ng interview na sinabi ko, alam na niya,” matud pa sa aktor. “Wala pa naman pong. . .syempre sa nakita ko, natutuwa naman. Pero hindi niya po pinapakita na gusto na niya,” dugang pa sa young actor.

Lindsay naglinabad na pud?

Wala pa gani duha ka semana human gibakwi ang iyang probation, giingong nakasugat na usab karon og bag-ong iskandalo ang kontrobersyal nga aktres nga si Lindsay Lohan.

Matud pa nga nakakita og gubot ang aktres sa usa ka nightclub kung diin giaway niini ang usa ka babaye.

Suma pa nga miduso og incident report ang maong babaye sa West Hollywood Sheriff's Department gumikan sa gibuhat ni Lindsay.

Giingong wala mahimuot si Lindsay sa pakig-tsika sa babaye sa higala nga lalake sa aktres hinungdan nga iyaha kining gitukmod.

Apan ang kampo ni Lindsay dali nga mihimakak sa maong isyu.

Suma pa sa tigpamaba sa aktres nga si Steve Honig, nangita lang og kuwarta ang babaye nga maoy miumol sa nahisgutang isyu.

Nag-antos hangtud milampos

Maayo na manubag og mga pangutana ang 10 anyos nga batang singer ug aktres nga si Rose Ann Magan kinsa misikat gumikan sa Biritera sa GMA-7.

Nahugyaw ang Banat News ug ang The Freeman kang Rose Ann sa dressing room sa Ayala Center-Cebu gumikan kay pinahimutang kini nga motubag sa mga pangutana.

“Kasi, tinuturoan po kami kung paano sumagot sa mga tanong ng reporters. Dapat mag-behave daw at sagutin ng tama ang mga tanong,” matud pa ni Rose Ann.

Matud pa ni Rose Ann nga dili lalim ang iyang giagian sa wala pa siya masulod sa programang Biretera gumikan kay nag-agi gyud siya og daghang audtion dungan sa gatosan ka mga bata nga gustong masulod sa maong programa.

“Ang mga nag-audition ay talagang mga magagaling, inabot pa kami ng gabi pero kailangan talaga na magtiis para maabot mo yung pangarap mo,” suma pa niya.

Dugang pa ni Rose Ann nga mahilig na siya mag-audition og mga singing contest apan duna gyu’y mga panahon nga dili gyud siya suwertihon.

Paborito niya ang kanta nga Bukas Na Lang Kita Mamahalin kung diin giidolo usab niya ang singer niini nga si Lanie Misalucha.

Usa sa sekreto ni Rose Ann kung nganong todo birit siya sa pagkanta gumikan kay i-feel gyud niya ang meaning sa kanta hinungdan nga makuha gyud niya ang emosyon niini.

“Minsan nga, naiiyak talaga ako kapag kumakanta. Bata pa lang ako, mahilig na talaga ako kumanta. Katulad daw ako sa nanay ko,” suma pa ni Rose Ann.

Matud pa sa batang singer nga mahilig mosalmot og mga singing contest ang iyang inahan busa maayo kaayo siya nga pagkaliwat niini.

Bisan sa ka-busy sa iyang career, wala gihapon niya pasagdi ang iyang pagtungha. Usa siya karon ka tinun-an sa grade 4 sa Eulogio Rodriguez Integrated School sa Mandaluyong.

Dunay mga higayon nga sa set sa Biritera, magdala gyud siya og libro gumikan kay ganahan siya magtoon basta dili pa niya torno sa taping.

Suma pa ni Rose Ann nga importante kaayo nga makakuha og dakong grado sa tunghaan hinungdan nga magdala siya kanunay og tun-anan sa set sa maong programa.

Aminado si Rose Ann nga ang pagkanta ra gyud ang iyang talento kaniadto apan nakat-on na siya sa pag-arte sukad siya nasulod sa Biritera gumikan kay gipaubos siya sa nagkadaiyang workshops.

Usa sa suod niya sa showbiz karon nga giisip niya nga iyang “Kuya” mao ang young actor nga si Jake Vargas.

“Sabi ni Kuya Jake na kailangan daw na magpakabait ako para hindi daw malaos yung career ko,” suma pa ni Rose Ann.

Gitambagan usab ni Jake si Rose Ann nga kanunay gyud mag-ampo aron kanunay siya tagaan og grasya sa kahitas-an.