Oyo nakalitan sa kasal ni Dina

Manila, Philippines — Ang subling pagpakasal ni Dina Bonnevie ang usa sa mga gipangutana sa press kang Oyo Boy Sotto sa taping niini sa Valiente. Gikasal si Dina kang Ilocos Sur Vice-Governor Deogracias Savellano last March 28, sa Antipolo Regional Trial Court. Present sila si Oyo, igsuong si Danica Sotto-Pingris ug Ilocos Sur Gov. Chavit Singson.

“Nagulat kami ni ate at may konting kaba at takot. Kinausap namin si Mama kung sigurado siya dahil we want her to be okay at ‘di siya sasaktan. Pinag-pray daw niya ito at kita naman namin ang sincerity ni vice,” tawag nila sa ilang stepfather.

Matud ni Oyo, wala sila nakahilak ni Danica, nahimuot sila kay weird ang feeling. Masaligon sila nga buotan ug tarong ang new husband ni Dina. Walay ideya si Oyo kung nasayud na ba ang iyang amahan nga si Vic Sotto sa pagpakasal ni Dina gumikan kay nakalupad na kini paingon sa Amerika dihang gikasal ang aktres.

Samtang nahisgutan ni Oyo nga nakugang ug nausikan sila dihang gibalhin sa TV5 sa late time slot ang Valiente to accommodate Nandito Ako  gumikan kay sayud sila sa paghago sa staff, cast ug ni direk Joel Lamangan. Wish niya nga dili na usbon ang time slot aron dili maapektuhan ang ratings sa teleserye.

Direk Joel nakapirma na diay

Nabalita kagahapon nga mupirma pa og kontrata sa TV5 si direk Joel Lamangan, apan diay, nakapirma na kini og two-year non-exclusive contract last Friday, March 30. So, dili ang Valiente  ang mahimo maoy last project ni direk sa network.

Pero sanglit non-exclusive ang pinirmahang kontrata, puwede pa siyang mutrabaho sa laing network. Wala pay project sa TV5 si direk Joel, pelikula usa matud pa ang iyang himuon.

Julie Ann nauyonan ra

Apil gihapon si Julie Ann San Jose sa special summer episode sa Tweenhearts  isip ka-loveteam ni Jhake Vargas sa singing career niini. Nahimuot siya kay wala maglagot niya ang mga fans nila ni Jhake ug Bea Binene gumikan kay gisulsulan lang ang karakter niya nga ilugon si Jhake kang Bea.

Three weeks nang nag-taping si Julie Ann sa Tweenhearts  ug enjoy siya gumikan kay alegre ikauban ang tweens sa GMA-7. Maayo pud nga training para niya alang sa Just One Summer movie nila ni Elmo Magalona ang guesting niya sa nahisgutang show.

Para sa Holy Week, mu-serve si Julie Ann sa Sto. Domingo Church, mukanta sa Siete Palabras isip panata. After this, showing na sa JOS  ug birthday concert sa Hardrock Café sa May 19, ang iyang pangandaman.

Kendall crush ni Derrick

Dili apektado si Derrick Monasterio sa tawag nga chickboy siya gumikan kay nalambigit siya sa daghang girls, at least niya pa, wala siya masapi nga bayot. Sa pangutana kinsay gipitik sa iyang kasingkasing, tubag niya diretso mao si Kendall Jenner, ang 16-year-old model sister ni Kim Kardashian.

“Maganda siya, matangkad, sexy at long-legged. Liligawan ko ‘yun, love ko ‘yun, pero sa ngayon, ang trabaho ko ang love ko. Masaya ako sa patuloy na success ng Tweenhearts at mataas na rating ng Alice Bungisngis...

Kiray ug Albie sa Pacific Mall Mandaue

Human sa malampusong grand launching sa M Talents Events and Promotion adtong Domingo diha sa Ibabao Mandaue, diin nagsugwak ang bagang duot sa katawhan aron mutan-aw sa mga artista sa ABS-CBN nga gipanguluhan nila ni Valerie Concepcion ug Coco Martin, duna pa diay ikaduhang hugna niini nga mahitabo karong hapon.

Ang tag-iya sa M-Talents, Events and Promotion nga si Aida “Angging” Patana excited nga mipahibawo sa Banat News Hugyaw kagahapon nga lain na pud nga grupo sa mga artista ang muabot karong adlawa, may kalambigitan gihapon sa grand launching sa iyang labing bag-ong negosyo.

Kini maglangkob nila ni Albie Casiño, Kiray Celis, Justine Lee, Star Power runners-up Monica Sacay ug Krisell, ingon man ang magsuong finalist pud sa Pilipinas Got Talent nga nagtawag sa ilang kaugalingon isip Happy Feet.

Sila mupahigayon og mall show diha sa Pacific Mall Mandaue, alas kwatro (4p.m) karong hapon, Domingo, April 1.