Sa sobrang kapayatan, showbiz personality pinag-iisipang may sakit na nakukuha sa pakikipag-sex

Dahil sa sobrang kapayatan ng isang showbiz personality, pinagbi­bintangan itong may sakit na nakakahawa.

Bulung-bulungan ng mga intrige­ro, baka, baka lang daw ha, nahawa ito habang nasa ibang bansa kaya bumagsak ang katawan.

Hindi na kasi healthy ang hitsura ng nasabing showbiz personality kaya pinag-iisipan siya ng masama ng mga nasa paligid.

Dapat siguro, magpataba siya or else talagang pag-iisipan siyang nahawa ng isang sakit na nakukuha sa pakikipag-sex.

Angel at KC hindi nagbabatian

Narinig ko ang kuwento na pagsasamahin sa isang show ng ABS-CBN sina Angel Locsin at KC Concepcion.

Sabi ng source, ipinatawag na raw ang dalawa para sa possible show nila pero walang nabanggit ang source kung ano ang magiging concept.

Pero ano ba ‘yung sabi ng isa pang source na hindi pala chummy-chummy ang dalawa as in hindi sila friends.

In fact, hindi raw nagbabatian sina KC and Angel. At matagal-tagal na raw na nagde-dedmahan ang dalawa.

So kung hindi sila close, paano kaya sila pagsasamahin sa isang show?

Naudlot ang sana’y sasamahang show ni KC na Alta at si Angel naman ay nasa comedy show lang na Todo Max.

Sa pelikula, balitang matutuloy ang movie ni KC with Anne Curtis and Derek Ramsay na isa ring remake ng Hilda Koronel movie habang si Angel daw ay gagawin ang Darna 2012 bilang nabili ng ABS-CBN ang maraming obra ni Mars Ravelo.

Samantala, mukhang may kilig factor kay KC ang member ng British band na Blake na si Jules Knights.

Balitang nakipag-date si KC na open ang admiration sa kanya.

Pacman nangakong gagamitin ang kasikatan para isabuhay ng maraming tao ang nasa Bibliya

Nagsagawa ng isang Bible sharing ang World boxing champion at Sarangani representative na si Manny Pacquiao sa bakuran ng kanyang home network na GMA 7 nitong nakaraang Martes, March 27.

Eksklusibo ito para sa mga empleyado at executives ng GMA sa pangunguna ng Chairman at CEO ng kompanya na si Atty. Felipe L. Gozon. 

Ikinuwento ni Pacman kung paanong sa pamamagitan ng Salita ng Diyos ay nagawa niyang talikuran at baguhin ang kanyang dating lifestyle. 

Mas lalong nainspire at humanga kay Pacquiao ang mga dumalo sa nasabing Bible sharing dahil naramdaman nila ang sinseridad ng host ng progamang Manny Many Prizes. 

Bilang isang ambassador of faith, sinabi ni Pacquiao na patuloy niyang gagamitin ang kanyang kasikatan upang hikayatin ang mas maraming tao na isabuhay ang mga turo ng Bibliya.