Kris Lawrence hindi kilala ng mga tao

SEEN: Pinipilahan sa mga sinehan sa buong mundo at maging sa Pilipinas ang Hunger Games.

SCENE: May strong resemblance si Jennifer Lawrence kay Sarah Lahbati. Si Jennifer ang lead star ng Hunger Games.

SEEN: May posibilidad na kumandidato si Grace Ibuna para sa nabakanteng puwesto ni Congressman Iggy Arroyo sa special congressional elections sa 5th district ng Negros Occidental sa June 2.

SCENE: Ang balita na si Marvin Agustin ang host at producer ng Kanta, Pilipinas, ang upcoming reality singing competition ng TV5.

Si Lea Salonga ang kumanta ng theme song ng Kanta, Pilipinas.

SEEN: Tatlong buwan pa lamang ang ipinagbubuntis ni Katrina Halili ngunit namumutok na ang pisngi niya dahil sa kanyang mabilis na pagtaba.

SCENE: “Sino si Kris Lawrence?” ang tanong ng mga tao na hindi kilala ang R&B singer na ama ng sanggol na ipinagbubuntis ni Katrina Halili.

SEEN: Inulan ang birthday celebration kahapon ni Aljur Abrenica sa Patio Alfonso, ang resort ng kanyang pamilya sa Batangas.

SCENE: Nahalata na mali ang continuity ng mga eksena ni Aiko Melendez sa huling gabi ng Nandito Ako noong Biyernes dahil sa kanyang mga damit na suot.