Kris ug Alden magpares sa Coffee Prince

Manila, Philippines---Kun walay kausaban, sila si Kris Bernal ug Alden Richards maoy pareson isip mga bida sa Pinoy remake sa Korean romance-comedy nga Coffee Prince. Pero madugay pa kini kay humanon pa ni Kris ang Hiram Na Puso ug My Beloved, diin apil si Alden.

Mahinumduman nga kaniadto pa nabalita nga himuon sa GMA-7 ang Pinoy remake sa gihangop og maayo nga Koreanovela nga gisalida sa maong estasyon kaniadto.

Gani may mga ngalan na nga nanggawas pinaagi og petisyon kabahin sa buot sa mga fans nga hatagan sa character nga Andi ug Arthur. Lakip niini sila si Chynna Ortaleza, Ryza Cenon o Jennica Garcia sa role ni Andi ug kang Dennis Trillo ang role ni Arthur, apan na-hold ang remake sa Coffee Prince, pero karon murag mahinayon na gyud.

Magazine director ang special someone

Magkatrabaho sa My Beloved sila si Mikael Daez ug Fabio Ide, pero dili magkita ang karakter ug dili buot ang nahauna nga magkita sila sa nauwahi sanglit magpasabot lamang kini nga mawagtang na siya sa maong soap.

 Gaan ra ang taping schedule ni Fabio sa My Beloved,  hinungdan nga may panahon siya para sa Caridade, ang foundation nga gimugna nila sa tulo niya ka mga Brazilian friends ug two Filipino friends diin ang pagtabang sa mga sexually abused children, mga wala makatungha ug mga gigutom maoy ilang misyon.

Sa mga himuong fashion shows, soccer game ug unsa pa nga mga event nga ilang mahunahunaan maggikan ang kwarta nga gamiton sa Caridade. Mao matud pa ni ang pamaagi ni Fabio nga makabawos sa kaayo sa mga Pinoy ngadto niya.

Samtang nakugang si Fabio nga nabuking nga ang gi-date niya mao si Ces Olondriz, assistant director sa Esquire Magazine.

“But she’s not my GF yet, we’re on the stage of getting to know each other more, but I’m happy at the moment. I like her, she’s beautiful, smart at sobrang talino,” malipayong tsika pa ni Fabio.

Wala magbuwag uy

Labihan ang pagkakugang ni Billy Crawford sa tsismis nga buwag na sila ni Nikki Gil ug nagdumili kini nga mahisgutan ang ilang relasyon sa iyang uyab dihang gisukitsukit sa mga reporters nga mibisita sa set sa Moron 5 and The Crying Lady gumikan kay wala matud pay apil sa pelikula ang maong isyu.

Hinuon sa tweet ni Nikki nagkanayon kini nga, “Haay, Billy and I are still together!!! Kaloka na ha!!! Last na yan.”

Hinuon, wala sa dagway ni Billy nga brokenhearted siya sanglit mitubay pa kini og mga pasiaw kang Luis Manzano atol sa nahisgutang press visit. Behave sila si Marvin Agustin, DJ Durano ug Martin Escudero, pero ang duruha nagsige lang og pakatawa. First movie kini ni Billy ug comedy pa, hinungdan nga double ang excitement.