Nakabawi si Jessica

Manila, Philippines -- -Nakadawat na pud og standing ovation si Jessica Sanchez gikan sa American Idol judges kagahapon gumikan sa iyang walay tatsa nga rendition sa Everybody Has A Dream. Nakabawi si Jessica gikan sa iyang performance sa milabay nga semana nga wala kaayo mauyuni nila ni Jennifer Lopez, Steve Tyler ug Randy Jackson. Si Jessica lamang ang nakadawat og standing ovation gikan sa judges sa March 21 episode sa American Idol 2012.

Wala pay muhulip ni Ida

Magpabilin isip Vice President ug Head of the Department sa GMA Artist Center si Ida Henares sanglit effective hangtud July 15, 2012 pa ang iyang resignation. Wala pay gitudlo nga hulip kang Ida may komitiba ang GMAAC nga gipanguluhan nila ni Mr. Jimmy Duavit ug Ms. Annette Abrogar.

Jinkee naliwat ni Pacman

Labihan ang impluwensya ni Congressman Manny Pacquiao ngadto sa iyang asawa nga si Jinkee Pacquiao sanglit Bible verse na ang kanunay mugawas sa baba niini.

Si Dora ang peg ni Eugene

Klaro kaayo ang Dora The Explorer inspired look ni Eugene Domingo sa 6th Asian Film Awards. Sama kini ka klaro sa Youtube video sa iyang kataw-anan nga acceptance speech sa Asian Film Awards, kauban ang Cantonese superstar nga si Andy Lau.

Bianca nagpataka’g balita

Sayop ang showbiz news ni Bianca Gonzales sa Umagang Kay Ganda nga mag-reunion ang Padilla clan kun muabot na sa Pilipinas si BB Gandanghari sanglit hagbay ra nga nahibalik sa nasud ang nahisgutan.