CEBU, Philippines - Martes sa hapon, gilaay ko samtang nagpaabot og dagkong istorya nga mubuto sa showbizlandia, hinungdan nga nagkalingaw ko’g post sa Facebook og bisan unsa na lang akong mahunahunaan. Paglabay sa duha ka oras, nakamugna ko og unom ka posts. Sigurado ko nga maka-relate mong tanan uy—girl, boy, bakla, tomboy—kay kining maong mga sitwasyon inyo pud ni nga masinati matag karon ug unya diha sa inyong pakighugoy-hugoy sa katawhan. Ang uban pud ani makita nato nga mga eksena pelikula, may gigamit sa mga TV commercials ug uban pa. Kana kay ang mga eksena sa pelikula naghulagway sa mga panghitabo sa katilingban ug kasinatian sa uban, gipakapin lang og gamay, usahay pud ibanan, aron dili makapasakit sa matungdan.
Pwes, enjoy these kana moments:
1. Kana bitaw’ng makahinumdom ka sa kagahapon ug ang mga binuhat nga maoy bida niini. Unya mukalit ka na lang og pahiyom.
2. Kana bitaw’ng sige na mog estorya after mo magkadungan somewhere pero wala moy guts mangutana unsay name niya ug nimo....laaiiinnn!
3. Kana bitaw’ng nagtuo ka nga dili mo magkita, unya mukalit lang og butho....kilig gamay!
4. Kana bitaw’ng naghunahuna ka niya unya mukalit lang siya og text or panawag nimo.
5. Kana bitaw’ng magkadungan mo unya kidhatan kag kalit bisan dili mo kaila. Inig ka sunod ugma mao gihapoy mahitabo. Inig ka sunod ugma pa gyud you start talking...kulba my heart, di?
6. Kana bitaw’ng nagsugat inyong mga mata, magtinutokay mo unya mulingiw siya ug mupahiyom ka. Subli na pud nga nagsugat inyong mga mata, nagtinutukay na pud mo, unya ikaw na pud ang mulingiw, ug sa imong hunahuna sayud ka nga mipahiyom siya.
7. Kana bitaw’ng namasin ka nga mag-abot mo, hinungdan nga naghinayhinay ka sa imong lihok, apan padung naka mulakaw, mao say pag-abot niya.
Mao diha. Ayaw kog ingna nga wala pa mo kasinati bisan usa sa akong mga kana moments. Unsa man say inyong experience dear okRYANians, aber? Pakkk!
Reaksyon o opinion? Text me pinaagi sa: 09295886046. Kinahanglan nga dunay ngalan ug address ang mensahe, ug labaw sa tanan kabahin kini sa unsay gituki karong adlawa, dili pwede ug ayaw paghimo og laing topic. Plus, kung makig-text mi ra ka, ayaw na lang og text—wa koy panahon ana. Pakkk! Magdungog gihapon ta pinaagi sa dyRC 648 Khz, 10 a.m. to 12n---Lunes hangtud Sabado. Bisitaha mi sa www.dyrc-cebu.com. Pangitaa ko sa Facebook: Libertine_real88@yahoo.com