MANILA, Philippines - Summer na summer na sa ASAP 2012 ngayong Linggo (Marso 11)!
Sisimulan na ng buong ASAP Kapamilya ang pinakamasayang summer season na pangungunahan ng isang world-class music collaboration nina Concert King Martin Nievera, OPM rock icon Bamboo, at Mr. Pure Energy na si Gary Valenciano.
Magpapasiklaban ng ganda at talento ang naggagandahang dilag ng ASAP 2012 na sina KC Concepcion, Nikki Gil, Iya Villania at Toni Gonzaga sa kani-kanilang kahanga-hangang production number; samantalang magpapasabog naman ng isang makapigil-hiningang performance sa ASAP centerstage ang isa sa mga pinakamahusay na aktres ng kanilang henerasyon na si Bea Alonzo.
Hahataw din sa Angeline on Q ang ASAP Pinoy Champ Angeline Quinto; ang nakakabilib na concert treat ni Billy Crawford; at ang malupit na handog ng terrific trio na sina Yeng Constantino, Paolo Valenciano, at Arnel Pineda. Dapat ding abangan ang ihahain na vocal delights nina Erik Santos, Jed Madela, Princess, Juris, at Boys R Boys na siguradong tatatak sa alaala ng mga manonood.
Huwag palampasin ang kakaibang birthday celebration ng Drama Prince na si Gerald Anderson; ang engrandeng pagsalubong sa buong cast ng pinakabagong primetime teleserye na Dahil sa Pag-ibig na pangungunahan nina Piolo Pascual, Jericho Rosales, Cristine Reyes, at Maricar Reyes; at ang inihandang sorpresa ng new generation leading lady na si Erich Gonzales para sa kanyang pinakaaabangang summer horror film mula sa Star Cinema na Corazon Ang Unang Aswang.
Samantala, paliliyabin naman nina Rayver Cruz, Kim Chiu, Julia Mones, John Prats, Empress, Maja Salvador, Denise Laurel, Rafael Rossel, at Vincent Bueno ang ASAP dancefloor para sa isa na namang malupit na Supahdance.