Fire Prevention

Init nga Domingo mga Ka Tribung BisChikadora! Summer na gyud ug ma- feel na nimo ang kainit sa panahon; kung magkalisod pa kay mo init usab ang imong ulo sa mga problema nga imong giatubang. Pero don’t cha worry kay karung Domingoha para mabugnaw ang imong ulo ayaw sipyata ang pagtutuk sa Let’s Fiesta featuring: Tawo Tawo Festival sa Bayawan City, alas otso y medya sa buntag. Bisan sa gamay nga pamaagi sa inyong Yur’s truly mabugnawan ang atong pamati pinaagi sa among mga programa. Ana lang!

Tungod kay Fire Prevention Month naman karun aduna’y pipila ka tips ang akong ipaambit kaninyo nga gikan sa Bureau of Fire Protection:

1. Ibutang  ang numero sa fire department duol sa inyong telepono.

2. Limpyohi ang  inyong panimalay ug ilabay ang mga sagbot, mga papel ug uban pang dali nga masunog.

3. Ayaw ibutang ang lampara duol sa mga kurtina o sa lugar diin dali kini nga matumba. Palunga kini sa dili pa matulog.

4. Ayaw pagtago sulod sa balay og mga butang o materyales nga dali masunog sama sa gasoline, alcohol o pintura.

5. Regular nga ipatan-aw ang koneksyon sa inyong kuryente ug ipaayo lamang sa lisensyadong electrician.

6. Palunga ug tangtanga sa koneksyon ang tanang appliances nga de koryente kong wala kini gamita.

7. Ibutang ang posporo sa lugar nga dili daling makab-ot sa mga bata.

Pero kung nagsugod na ang sunog ang una gyud nimong buhaton kay mokalma lang ug ayaw ka rattle.  Kung madala pa sa imong powers isarado ang kwarto kung diin nagagikan ang kayo ug isarado ang tanang pultahan sa imong paggawas. Malikayan kini aron dili mukaylap ang kayo.

Nagkaduol naman usab ang Holy Week aduna’y mga suggestions ang inyong Yur’s truly nga angay natong buhaton sa maong panahon. Dili lang bakasyon ang naa sa inyong listahan apan basin kini masulod sa inyong schedule.

1. Nangita ka og sacred space? Nagkinahanglan ka muoli sa imong kaugalingon ug sa Ginoo? Kinahanglan ka og oras? Ang Betania Retreat House andam mohatag sa ilang serbisyo kaninyo tawag sa 032-5056353

2. Kung gusto ka mag meditate karung umaabot nga Semana Santa naa ang Brahma Kumaris World Spiritual University. Tawag sa 032-2545975.

Daghan pa kaayo kitang mga angay buhaton karung panahon na sa tig-init. Mga artista nga nagpainit og samot matag Domingo nga atong saw-an dire sa BisChika,  mga lugar nga angay bisitahon ug uban pa.

Atangi sunod Domingo ….kahibalo ko nga summer na pero kinsa kini nga host nga dili maligo? Noh? Kinsa siya? Ayaw sipyata sunod Domingo!!!!