Paolo single forever ang 'drama'

May katuwiran naman pala si Paolo Bediones na lumipat ng TV5 mula sa GMA 7 dahil bukod sa isa siya sa mga executives ng TV network, apat ang kanyang regular show sa kanyang bagong home studio. May daily morning show na Good Morning Club kung saan niya kasama sina Cheryl Cosim, Martin Andanar, Amy Perez, Chiqui Toa-Puno, Tintin Bersola-Babao, Lucky Mercado, Pat Fernandez, Makata Tawanan, Shalala, at si April Gustillo.

Nariyan ang Insider, isang late-night public affairs show na pinangungunahan mismo ng NEWS5 head na si Luchi Cruz-Valdes, ang news production head na si Patrick Paez kasama sina Erwin Tulfo, Cheryl Cosim, Raffy Tulfo, Cherie Mercado, Martin Andanar, Lourd de Veyra, at Atty. Mike Templo. 

Si Paolo rin ang nasa late newscast na Pilipinas News kung saan naman niya kasama sina Cherie Mercado at Jove Francisco at isa pang show na kung hindi kami nagkakamali ay isang reality-based program.

Kahit successful sa kanyang karera, Paolo remains single hanggang ngayon.

Chris Tiu madalas kasama si Alex Gonzaga

Kung sa GMA 7 ay si Sheena Halili ang madalas kasama ni Ateneo basketball hero na si Chris Tiu, sa TV5 naman ay ang nakababatang kapatid ni Toni Gonzaga na si Alex Gonzaga sa kanilang comedy game show na Toink! Sino ang Tama? na mapapanood tuwing araw ng Linggo.

Samantala, kung nagpahinga man sandali sa telebisyon si Edu Manzano, araw-araw naman itong mapapanood sa bago nitong game show, ang Game ’N Go na makakatapat mismo ng Eat Bulaga ng GMA at ng It’s Showtime ng ABS-CBN.

Kung si Edu ay kilala sa pagiging mahusay na TV host, hindi rin naman nagpapahuli ang kanyang panganay (kay Gov. Vilma Santos) na si Luis Manzano na hindi nawawalan ng hosting job sa bakuran ng ABS-CBN.

Kung si Edu ang pumalit noon kay Kris Aquino bilang host ng Game Ka Na Ba, si Luis naman ang napisil ng Dos para mag-host ng pagbabalik sa ere ng another Kris Aquino-hosted game show, ang Deal or No Deal.

Hayden pinasikat si Al Galang

Sa halip na magalit, dapat pang pasalamatan ng yoga instructor na si Al Galang si Hayden Kho, Jr. dahil naging instant celebrity siya dahil sa ginawang ‘exposé’ ni Hayden sa kanyang Twitter kung saan niya ipinakita ang ‘love letter’ umano ni Al kay Dr. Vicki Belo at maging ang litrato nito.

Kung tutuusin, may “K” si Al na maging celebrity dahil guwapo ito at ang haba naman ng hair ng doktora dahil pawang mga guwapo at bata pa ang nali-link sa kanya ha?

Hindi man artista sina Dra. Belo at Hayden, daig pa nila ang mga artista dahil parati silang “in the news.”