CEBU, Philippines - “B” ang grado nga naangkon sa pelikula nga Unofficially Yours starring Angel Locsin and John Lloyd Cruz gikan sa Cinema Evaluation Board. Ang maong romantic comedy nga mugna sa Star Cinema isalida karong adlawa lukop nasud.
Maayog labok
Mipakita og maayong labok sa People’s Rating sa Mega Manila ang teleserye nga My Beloved, sa GMA-7 starring Marian Rivera ug Dingdong Dantes sa pilot episode niini adtong Lunes sa gabii. Mitala ang maong serye og 16.8% ug ikaduha sa ranking, sunod sa 24 Oras nga may 18%.
Sa orphanage nag-birthday
Didto sa Ephesus Home for Women and Children gisaulog ni Empress Shuck ang iyang 19th birthday kagahapon sa hapon. Ang Ephesus pinuy-anan sa mga batang biktima sa sexual ug physical abuse. Kauban ni Empress si Ejay Falcon nga leading man niya sa Mundo Man ay Magunaw. Gikan didto, midiretso sila sa Bethay Orphanage sa Guiguinto, Bulacan gihapon.
Japanese birthday
Tua sa Tokyo, Japan si Kris Aquino kauban ang iyang mga anak nga sila si Josh ug Bimby, ug ig-agaw nga si Rheena Tiopaco, mga higala nga sila si John Lapus ug JC Buendia. Didto gisaulog ni Kris ang iyang 41st birthday.
Bye GGB
Katapusan na nga episode sa Gandang Gabi Vice ni Vice Ganda sa ABS-CBN karong Domingo sa gabii, February 19. Guests niya sila si Sarah Geronimo, Iza Calzado, ug ang magsuong Richard ug Ritchie Paul Gutierrez. Usa ra gyud ka season ang kontrata ni Vice sa maong show, apan gumikan sa taas nga rating kanunay kini nga na-extend.
Pahumot ug accessories
Pahumot ang Valentine gift ni Joshua Dionisio kang Barbie Forteza. Marry Me by Lanvin ang ngalan sa maong pahumot. Samtang accessories para sa iPhone 4S ang regalo ni Barbie kang Joshua.
Dina’s boyfriend
Giangkon ni Dina Bonnevie nga may ka relasyon siya karon nga “tall, dark, handsome” businessman sulod na sa usa ka buwan. Apan mikabat matud pa sa usa ka tuig siya nga gipangulitawhan sa maong lalaki. Dili na matud pa kinahanglan nga ipaila niya sa publiko ang lalaki kay kun makit-an silang duruha nga mag-uban, dili sila mulimod.
Belo: Si Nancy maoy rason sa break-up!
Gikumpirmar sa celebrity doctor nga si Vicki Belo nga si Nancy Castiglione maoy rason sa break-up nila ni Hayden Kho Jr.
“It is over – I hope,” mubong mensahe ni Vicki nga namantala kagahapon sa column ni Ricky Lo sa igsuong mantalaan sa Banat News nga The Philippine Star. Kahinumduman nga mi-post og mensahe ang doktora sa miaging adlaw nga matud pa nga libre na si Hayden nga makig-date kang Nancy. Gikatahong nasigpatan si Hayden nga nakighalok kang Nancy sa usa ka bar sa Taguig.
Suma pa nga mitoo gyud si Vicki sa maong report hinungdan nga nakahukom siya nga putlon ang relasyon nila ni Hayden.
“Yes, we were in love but I am not ilusyonada to think it will be for life given the age gap between us. I don’t need to make a longer statement. I just want people to stop picking on him. He was so good to me and made me so happy. Sometimes, relationships just don’t work out. It’s sad but there’s no one to blame,” suma pa ni Vicki.
Sa wala pa molarga si Vicki sa Los Angeles niadtong Lunes, nagkaistoryahanay sila sa iyang anak nga si Quark Henares kinsa gitagaan niya og Canon 50 mm lens. Matud pa sa doktora nga ang maong butang unta maoy iyang regalo kang Hayden kung wala pa sila nagkabuwag.
Favoritism
Kung dili maayo ang relasyon nila ni Heart Evangelista ug Marian Rivera, may away pud ang ilang mga fans nga subling nabanhaw. Pasangil sa mga fans ni Heart, mas pinangga o gipaburan sa GMA-7 si Marian gumikan kay gisibog ang timeslot sa Legacy diin usa sa mga bida ang ilang idolo. Ang Legacy maoy mipuli sa timeslot sa Survivor Philippines, samtang ang My Beloved ni Marian ug Dingdong Dantes maoy misunod sa nabakante nga luna sa Legacy, human sa Biretera.
Walay chance
Imposibli na matud pa ang gihandum nga Sharon Cuneta-Gabby Concepcion reunion movie. Ang latest, si Senator Kiko Pangilinan mismo ang mibabag sa pag-guest unta ni Gabby sa concert ni Sharon ug Martin Nievera, sanglit dili matud pa maayo kini tan-awon para sa ilang mga anak nga si Mie ug Frankie nga lakip sa audience.
Pildero sa rating
Gibalhin sa Saturday time slot ang Paparazzi sa TV5 kay matud pa wala gayud kini makapiog sa The Buzz sa ABS-CBN nga pabilin matud pa nga nag-una sa mga showbiz-oriented shows matag Domingo.
Magpaniwang
Dili pa andam si Regine Velasquez nga hingpit na gyud nga mubalik sa showbiz human sa iyang pagpanganak. Aminado siya nga kinahanglan pa niya nga magpagamay sanglit dako siya nga tan-awon sa screen. Okay siya sa mga guestings pagkakaron.
No to men’s magazine
Bisan og siya maoy best in swimsuit sa Miss World Pageant, nagdumili si first runner-up Gwendoline Ruais nga magpa-sexy sa men’s magazine pinaagi sa pagsul-ob og swimsuit. Suma pa niya, lahi ra gyud og hubad ang mga tawo bisan pa og swimsuit ang gisul-ob, basta anha nila kini makita sa usa ka men’s magazine.
Wait lang
Giangkon ni Dion Ignacio nga hinay ang dagan sa iyang career sa GMA-7, bisan og produkto siya sa Starstruck batch 1. Apan ang importante para niya mao nga kanunay siya nga may trabaho, busa tarungon na lang gayud niya pa ang iyang trabaho aron sa inanay mahatagan siya og break sa network. Human sa Amaya, pasok si Dion sa cast sa afternoon soap “The Good Daughter” isip adunahan nga uyab ni EJ Reyes nga maoy kontrabida ni Kylie Padilla.
Boobs enhancement
Wala gilimod ni Ellen Adarna ang tsika nga nagpa boobs enhancement siya, apan dali niya nga giklaro nga para kini sa iyang kaugalingon sanglit dugay na kini niyang plano ug dili gumikan sa tsika nga buot niyang ilugon gikan kang Sam Pinto ang titulo nga FHM’s Sexiest Woman in the Philippines.
Game N Go noontime show sa TV5!
Gipaabot nga lakip sa ipaila karong adlawa pinaagi sa usa ka press conference ang labing unang noontime show sa TV5 nga pagaulohan og Game N Go, nga ilusad karong March 10, 2012, Sabado. Gikatakdang direkta nga ikatigi niini ang “It’s Showtime sa ABS-CBN sanglit 11:30 am matud pa ang ilang timeslot ug mag-una sila og 30 minutos sa 30 anyos na nga Eat Bulaga sa GMA-7.
Suma pa nga lakip sa maglangkub niini isip hosts sila si Edu Manzano, Gelli de Belen, Tuesday Vargas, Arnell Ignacio, Pretty Trizsa, Wendy Valdez, ug Shalani Soledad-Romulo.
Gani adtong Lunes sa gabii, gipaila na ngadto sa press ang nahisgutan, gawas kang Edu nga wala makatambong kay may lain matud pa nga kabilinggan.
Mulungtad matud pa og duha ka oras ang maong noontime show nga puno sa game segments nga nagtangag og dagkong cash prizes.
Si Danny Caparas ang giingong maoy direktor sa Game N Go.
“Braver, Stronger, and Fiercer Sarah”
Mulugwa na sa telebisyon ang gikahinaman sa iyang mga fans nga “Sarah G. Live” karong Pebrero 26, human sa Rated K sa ABS-CBN.
Mas hugyaw matud pa nga Sarah Geronimo ang maaninaw matag semana diin pahimug-atan niya ang iyang titulo nga “Pop Star Princess” pinaagi sa makalingaw ug puno sa enerhiya nga concert sa telebisyon matag Domingo.
Makauban ni Sarah sa maong show ang iyang co-host Luis Manzano, musical director Louie Ocampo, choreographer Georcelle Dapat-Sy, ug director Erick Salud.
Malakip pud sa "Sarah G. Live" ang G Force ug si Gab Valenciano isip dance performers ug may special guest co-host siya matag semana.
Sarah mihimakak sa “away issue”
Mitingog na gyud ang pop princess nga si Sarah Geronimo kalabot sa report nga matud pa nga iyang gikabangi sila si Vice Ganda ug Kris Aquino.
Suma pa sa spekulasyon nga giingong wala mosugot si Vice nga mo-guest si Sarah sa iyang show nga Gandang Gabi Vice sa miaging tuig.
Duna pu’y taho nga mitumaw nga nangluod si Vice kang Sarah gumikan kay wala mo-guest ang singer sa iyang concert sa Araneta Coliseum sa miagi gihapong tuig.
"Parang hindi naman po. Hindi naman sila ganoon mag-isip,” matud pa ni Sarah ngadto sa ABS-CBN News.
Usa sa pruweba nga wala sila mag-away , si Sarah maoy special guest alang sa farewell episode sa "Gandang Gabi Vice” karong Domingo.
"Sa February 19 po live ang show. Dire-diretso po ako "ASAP," tapos "The Buzz" and "GGV." So hindi ko po alam kung saan nanggaling ang isyung yon. Sobrang happy kami noong nagsho-shoot kami ng 'Hating Kapatid,'" matud pa sa singer.
Game N Go noontime show sa TV5!
Gipaabot nga lakip sa ipaila karong adlawa pinaagi sa usa ka press conference ang labing unang noontime show sa TV5 nga pagaulohan og Game N Go, nga ilusad karong March 10, 2012, Sabado. Gikatakdang direkta nga ikatigi niini ang “It’s Showtime sa ABS-CBN sanglit 11:30 am matud pa ang ilang timeslot ug mag-una sila og 30 minutos sa 30 anyos na nga Eat Bulaga sa GMA-7.
Suma pa nga lakip sa maglangkub niini isip hosts sila si Edu Manzano, Gelli de Belen, Tuesday Vargas, Arnell Ignacio, Pretty Trizsa, Wendy Valdez, ug Shalani Soledad-Romulo.
Gani adtong Lunes sa gabii, gipaila na ngadto sa press ang nahisgutan, gawas kang Edu nga wala makatambong kay may lain matud pa nga kabilinggan.
Mulungtad matud pa og duha ka oras ang maong noontime show nga puno sa game segments nga nagtangag og dagkong cash prizes.
Si Danny Caparas ang giingong maoy direktor sa Game N Go.