Concert nina Martin at Sharon 'di masyadong tinao

SEEN: Ang taos-puso na pasasalamat ni Albert “Betong” Sumaya, Jr. kay KC Montero sa kabila ng pahayag ng huli na siya at hindi si Betong ang karapat-dapat na manalo bilang Sole Survivor ng Survivor Philippines Season 4.

SCENE: Dalawang linggo nang hindi sumisipot sa live show ng Paparazzi si Dolly Anne Carvajal mula nang isulat niya na nag-walk out si Carmina Villarroel sa isang commercial shoot na kasama si Claudine Barretto.

Co-host ni Dolly Anne sa Paparazzi si Zoren Legaspi, ang long-time partner ni Carmina.

SEEN: Ang pag-amin ni Dr. Vicki Belo kay Butch Francisco ng Startalk na “It’s over” na patungkol sa relasyon nila ni Hayden Kho, Jr.

Naniniwala kasi siya na may katotohanan ang mga tsismis na nag-uugnay kina Hayden at Nancy Castiglione.

SCENE: Nanindigan si Nancy Castiglione na happily married siya at walang kinalaman sa paghihiwalay nina Hayden Kho, Jr. at Dr. Vicki Belo.

Gustong malaman ni Nancy ang dahilan ng pagkakadamay ng kanyang pangalan sa split-up ng celebrity doctors.

SEEN: Lumantad kahapon sa Showbiz Central ang witness na nagpatunay na nakita niya na magkasama noong Jan. 27, 2012 sina Hayden Kho, Jr. at Nancy Castiglione.

SCENE: Pinatunayan ni Robin Padilla na isang good daughter ang kanyang anak na si Kylie Padilla. 

Pumayag na magpainterbyu si Robin tungkol kay Kylie bilang tulong sa promo ng The Good Daughter, ang afternoon soap ng kanyang anak na magsisimula ngayong hapon sa GMA 7.

SEEN: Hindi soldout ang concert nina Sharon Cuneta at Martin Nievera sa Smart Araneta Coliseum noong Sabado.

Forty nine percent ang audience attendance ng kanilang concert.