CEBU, Philippines - Wala na usab nagpauwahi ang GMA News TV ug GMA-7 sa 2012 New York Festivals gumikan kay nakalangkat na usab kini og siyam ka nominasyon sa maong award-giving body. Bisan bag-o pa gani gilusad, ang mga programa sa GMA News TV nakabaton dayon og nominasyon sama sa Pluma: Si Rizal, Ang Dakilang Manunulat (Rizal, The Great Writer) nga nahimutang sa History and Society category. Nakadawat usab og tag-duha ka nominasyon ang programang Front Row ug Reel Time. Kini naglangkob sa mga episode nga Bente Dos (Twenty-Two), Yaman Sa Basura (Child Urban Miners), Lusong (Live to Dive) ug Tira (Infected). Ang public affairs special sa GMA-7 nga nag-ulohan og Report Card nalakip usab sa listahan sa New York Film Festivals. Kahinumduman nga ang mga hosts sa maong programa sila si Mike Enriquez ug Dingdong Dantes. Pasok sa Nature and Wildlife category ang Born to be Wild alang sa episode nila nga The Born Expeditions Finale. Mikompleto sa listahan ang most awarded documentary program sa GMA nga I-Witness alang sa episode nga Gintong Putik kung diin ang Award-winning documentarist nga si Kara David mitikang gyud sa Paracale sa Camarines Norte. Nalakip usab ang episode nga Lapnos (Burn) ni Jay Taruc. “These nine finalists may be promoted to Gold, Silver or Bronze during the current judging process,” nagkanayon si Rose Anderson, Executive Director sa New York Festivals.
Ang 2012 New York Festivals International Television and Film Awards nakadawat og mga entries gikan sa 40 ka mga nasud. Ang pag-anunsyo sa mga mananaug mahitabo karong April 17 sa The NAB Show sa Las Vegas. (Sanden J. Anadia)
Daniel mananghid pa sa ginikanan ni Kathryn
Gipahibalo sa young actress nga si Kathryn Bernardo nga willing siya nga mahimo niya nga ka-date si Daniel Padilla karong Valentines Day.
Apan giklaro ni Kathryn nga angayan pa mananghid si Daniel ngadto sa iyang mga ginikanan.
“Mahaba-habang usapan 'yan. Kasi hindi ako puwede rin lumabas 'pag hindi ako nagpapaalam. At saka kailangan magpaalam formally kung sino man ang mag-aayang guy if ever,” suma pa sa aktres ngadto sa Push.com.ph.
Una na nga gipadayag ni Daniel kaniadto nga interesado siya kang Kathryn nga mahimo niya nga valentina. “Kung papayagan naman puwede naman kasi wala rin naman akong gagawin sa Valentines eh. Usually ako sa friends ko lang din naman ako sasama, manunuod lang ng movie, ganun,” dugang pa ni Kathryn. Ang tandem nila ni Daniel ug Kathryn misikat gumikan sa youth- oriented show nga “Growing Up.” (BANAT NEWS)