Kris hindi nagpasapaw sa issue kina P-Noy at Grace, resulta ng annulment nila ni James ibinalandra

Pinag-usapan kahapon ang balita na annuled na ang kasal nina James Yap at Kris Aquino.

Hindi idine-deny ni Kris ang balita dahil siya mismo ang nag-share ng news sa kanyang close friends.

Lumitaw ang balita habang nasa kainitan ang isyu ng pakikipag-date ni P-Noy sa TV host na si Grace Lee.

Hindi naman natabunan ng James-Kris annulment news ang isyu tungkol sa lovelife ni P-Noy dahil bilang pangulo ng Pilipinas, marami ang nakikitsismis sa estado ng relasyon nila ni Grace. Pampulitika na, pang-showbiz pa!

Dra. Belo Maraming off the record na kuwento

Nagkita kami kahapon ni Dra. Vicki Belo sa isang restaurant sa Quezon City para sa kanyang post-birthday lunch treat.

As usual, masaya ang kuwentuhan namin nina Mama Vicki, Papa Ronald Constantino at Papa Ricky Lo.

Kinumpirma ni Mama Vicki na magbabalik-showbiz ang kanyang boyfriend na si Hayden Kho, Jr. at may bago na itong manager, ang Stages na namamahala rin sa career nina Karylle, Jay-R, Krista Kleiner, Ritz Azul at marami pang iba.

May ibang kuwento si Mama Vicki pero hindi showbiz-related kaya hindi puwedeng i-share sa readers ng PSN.

Basta ang bottomline, blooming ngayon si Mama Vicki dahil happy siya sa mga nangyayari sa kanyang professional at personal life.

Nag-promise si Mama Vicki na magpapainterbyu siya ngayon sa Startalk. Hindi lang ako sure kung via phonepatch o daraan siya sa studio ng Startalk sa GMA 7 para sagutin ang mga pahayag ni Hayden na nainterbyu ni Papa Ricky.

Luma nga lang

Pakikipagtikiman ng kilalang personality kalat na kalat sa internet

Kumakalat sa Internet ang litrato ng isang kilalang personality habang nakikipagtukaan sa isang maganda at seksing babae.

‘Yun nga lang, lumang-luma na ang mga litrato dahil matagal na itong pinagpistahan ng mga mahihilig sa eskandalo.

Hindi nag-isip na mabuti ang source ng litrato. Bagets na bagets pa ang face ng sikat na personalidad sa mga larawan na may motibo na siraan siya sa kanyang misis at fans. Hindi magtatagumpay ang source ng mga litrato dahil so yesterday ang isyu na kanyang pilit na binubuhay.

Gabby puwedeng maglagare sa lahat ng network

Hindi pa kumpirmado ang balita na makakasama ni Richard Gutierrez si Gabby Concepcion sa kanyang bagong primetime show sa GMA 7.

Walang problema kung tanggapin ni Gabby ang offer ng Kapuso network dahil hindi siya nakatali sa ibang mga TV station.

Libreng-libre si Gabby na mamayagpag sa ABS-CBN, TV5 at GMA 7.

Welcome na welcome sa fans ni Richard na makatrabaho si Gabby ng kanilang idol.

Concert ni yeng dinagsa ng mga mag-dyowa

Successful ang pre-Valentine show kagabi ni Yeng Cons­tantino sa Museum, ang Ok Lang Maging Single sa Valentine’s.

Mali ang tsismis na mga loveless at single ang nanood ng concert ni Yeng dahil may-I-watch din ang mga couple at lovers.

Nagpapasalamat si Yeng at ang mga produ dahil sa suporta ng mga tao sa show na kakaiba ang concept. Happy ang aking bestfriend Pinky Tobiano dahil malaking tulong ang concert sa Bosom Buddies, ang cancer foundation na tinutulungan nila ni Yeng.