CEBU, Philippines - Gisalikway ni “Material Girl” hitmaker Madonna ang posibilidad nga may mahitabong “wardrobe malfunction” sa iyang pag-perform sa Super Bowl karong Domingo, February 5.
Suma pa niya, gipasiguro gayud niya nga dili mapalpak ang iyang costume sanglit wa pa siya makalimot sa nahiaguman adtong 2004 kang Janet Jackson diin nabuyangyang sa tibuok kalibutan ang dughan niini human napalpak ang sapot atol sa maong event.
Atol sa press conference alang sa maong event miingon si Madonna: “Great attention has been paid to my wardrobe. There will be no wardrobe malfunctions.”
Gawas nga gisiguro sa 53-year-old singer nga walay palpak ang iyang sapot or costume, labihan matud pa ang iyang paningkamot nga nindot ang iyang performance. Sa 25 ka tuig na matud pa niya isip performer, usa ang Super Bowl sa iyang gipangandaman og maayo.
”In 25 years of performing, I’ve never worked so hard or been so detail-oriented or freaked out as I have getting the schedule together for the Super Bowl.”
OMG KC!
Kun gikagubtan ang cover photo ni KC Concepcion sa Rogue Magazine diin siya nagpakigol, gipaabot nga magkagubot matud pa ang publiko og maayo sa higayon nga maukay nila ang mga pahina sa maong magazine.
Gani sa Facebook gahapon may mga mipadayag na nga mamalit sila og daghang kopya gumikan kay nagpaabot na sila nga mahurot pagdali ang kopya sa maong magazine gumikan sa labihan ka sexy nga mga hulagway sa anak ni Megastar.
Usa lamang kining maong hulagway sa mikatap sa Facebook kagahapon.
PNoy may tsansa ni Grace
Dili matud pa mag-usik og panahon si Grace Lee mga nakighinabi ug pagsinati kang Presidente Noy Aquino kun wala pa kini tsansa nga makadama sa iyang gugma.
Kini maoy pamahayag sa DJ ug TV host dihang nahinabi ni Nelson Canlas adtong Huwebes sa gabii sa programang State Of the Nation ni Jessica Soho sa GMA News TV.
Suma pa ni Grace nga buot niya nga magpabiling pribado ang ilang sitwasyon sa presidente sanglit naa pa sila sa getting to know each other level ug dili siya buot nga daghan kaayong mga tawo nga mukomentaryo ug mag-apil-apil sa ilang releasyon.
“It is really us seeing each other as the President said and, ‘yon nga, we’re getting to know each other,” nagkanayon siya.
Hinungdan nga mihangyo si Grace og “time and space” para nilang duha ni PNoy.
“Sabi ko nga, kawawa naman si Presidente,” nagkanayon si Grace kinsa mitug-an nga normal matud pa nga tawo si PNoy kun mangulitawo diin gihatagan siya og mga buwak ug chocolates.
Nahugyaw pud si Grace kay utukan matud pa si PNoy. “He’s brilliant, he’s I think, if not the most intelligent man I’ve met in my life,” niya pa.
Wako, Wako!
Nag-pictorial kagahapon ang mga casts sa Wako, Wako! Mao ni ang pantaserye sa ABS-CBN nga pagabituonan ni Ai-Ai delas Alas, Yogo Singh (ang batang Coco Martin sa Walang Hanggan), Vandolph Quizon, Gladys Reyes, Maricar de Mesa, Malou de Guzman, Dennis Padilla, Carlos Agassi, Abby Bautista, Markki Stroem, Liezl Garcia, Eagle Riggs, DJ Durano at Franco Daza. Subli ni nga panag-uban nila ni Ai-Ai ug direk Wenn Deramas human sa Tanging Ina Mo movies. Sunod buwan matud pa isalida ang Wako, Wako!
Tribute movie
Gisugdan na ang shooting sa musical film nga I Doo Be Doo Be Doo nga magsilbi nga tribute film sa Unitel Pictures para sa APO Hiking Society. Lakip sa casts sila si Gary Valenciano, Zsa Zsa Padilla, Ogie Alcasid, Sam Concepcion, ug Eugene Domingo. Giingong 17 ka kanta sa APO ang madungog dinhi niining maong pelikula. Si Vincent de Jesus ang ilang musical director.
Na trauma ang Sheena
Bisan suod sila ni Rocco Rocino sulod na sa pipila ka mga buwan, namahayag si Sheena Halili nga dili una siya buot nga may boyfriend karong panahona. Na trauma matud pa siya sa ilang relasyon ni Rainier Castillo kaniadto nga bisan sila maoy uyab, dili sila mahimong muladlad aron dili maapektuhan ang loveteam sa ulitawo ug ni Yasmien Kurdi. Si Rocco ug Kylie Padilla ang loveteam karon.
La Aunor okay na ang tingog
Naulian na matud pa ang tingog ni Superstar Nora Aunor suma pa sa iyang anak nga si Matet de Leon. Suma pa niini nga sa iyang nahibaw-an, wala operahi si La Aunor didto sa Boston, kundili may gipaslak lamang sa tutunlan niini. Malipayon si Matet sa maong balita kay mahinayon na gyud matud pa ang concert sa iyang mama karong Mayo.
Instrumento si Lara
Gihulagway ni Marco Alcaraz ang iyang pangasaw-onon nga si 2005 Miss International Lara Quigaman isip instrumento aron mahaduol siya sa Ginoo. Si Lara ug Marco mipahibawo na nga magpakasal sa umaabot nga Oktubre karong tuiga pinaagi sa usa ka beach wedding ceremony.
World Tour gyud
Duna gyuy World Tour ang Annebisyosa concert ni Anne Curtis karong Mayo. Kini maoy gibutyag ni Anne sa presscon sa iyang TV series nga Kailangan Ko‘y Ikaw adtong Huwebes sa gabii.
Wala nay bili ang kasal
Opisyal na nga “annulled” ang lima ka tuig nga kaminyuon nila ni Kris Aquino ug James Yap.
Kini maoy gipahibawo sa suod nga higala ni Kris nga si Boy Abunda sa Bandila sa ABS-CBN adtong Huwebes sa gabii.
Asoy ni, Boy “lack of authority of the solemnizing officer” ang rason sa pagpawala nay bili sa kasal sa duruha.
Kahinumduman nga gikasal sila si James ug Kris adtong July 10, 2005. Miduso og nullity of marriage si Kris adtong August 9, 2010.
Ubos sa Family Code, magpabilin si James Yap Jr. o Bimby sa kustodiya ni Kris apan may katungod ang amahan nga mubisita niini.
Kabahin sa pagbahin sa ilang mga kabutangan suma pa ni Abunda nga hagbay ra kining nasulbad.
”’Yong pinag-uusapang separation of properties, ito ay naganap one year before today.
”Nagkaroon na sila ng agreement kung paano hahatiin ang properties approved by the court,” tsika pa ni Abunda.