Habang may kaso pa sila ni Annabelle Rama, Ynna pumirma ng kontrata sa ibang manager?

PIK: Malapit na ang finals ng Survivor Philippines: Celebrity Doubles Showdown, kaya pinag-uusapan na kung sino ang maiiwan sa top three.

Ang latest na naririnig namin, si Mhaey Bautista ang susunod na natanggal kaya sina KC Montero, Betong Su­maya, Mara Yokohama, at Stef Presscot na ang nasa top four.

PAK: Tuluy-tuloy pala ang shooting ni Rhian Ramos sa My Contrabida Girl at nag-guest pa nga sa pelikulang ’yun sina Lolit Solis at Ricky Lo.

Napansin nilang malaki ang ipinagbago ni Rhian at mas nakaramdam pa nga sila ng awa sa young actress.

Sana nga makabalik sa dating sigla ang career ni Rhian sa pelikula nilang ito ni Aljur Abrenica.

BOOM : Nakarating sa amin ang balitang isa si Ynna Asistio sa pumirma sa Icon Management ni Atty. Bebong Muñoz.

Nagtaka kami kung paano mangyayari ’yun, may existing contract pa ito kay Annabelle Rama?

’Yun din ang narinig ni Tita Annabelle pero hindi niya alam kung totoo nga.

Tinanong namin ito kay Nadia Montenegro at kaagad niya itong pinabulaanan. Imposible daw gawin nila ’yun dahil may kontrata pa si Ynna kay Tita Annabelle kaya ’yun nga ang pinag-aawayan nila.

 Abangan sa Startalk ang iba pang pasabog ni Tita Annabelle laban kay Nadia at kung ano naman ang sagot ng huli.