Kevs kun uwan

Maayong Domingo mga Ka Tribung BisChikadora! Kumusta ang atong buhay-buhay? Nanghinaut ang inyong Yur’s truly nga bisan paman sa mga pagsuway nga inyong giatubang karon usa ka mapahiyumon nga Domingo ang inyong ihatag sa kalibutan kay ingon bitaw sila “smile and the whole world will smile with you.” Ana lang!

Paambitan nako ninyo ang usa ka event nga akong gi-coordinate para sa usa ka dakong kumpaniya ug diha kini gihimo sa usa sa mga resorts sa Mactan. Hugyaw kaayo ang ilang line up, sa dance group palang mga banggiitan na gyud ang ilang gipanguha, (usa sa mga universities dinhi sa Sugbo ug nagbitbit pa gyud sila og dancers gikan sa Manila. Sa akong obserbasyon kung mukuha sila og laing dance group dire sa Sugbo murag tigi ra gyud kaayo o mas maayo pa sa gibitbit nga mga dancers pero ana lang gyud na siya kay desisyon sa maong events group.Unya ang mga hosts mo-bow ra pud ko kay bagay sila sa okasyon kay ga paka-paka ang pinulungang iningles. Kinsa sila? Gikan sa Kapuso Network, ang lalake kay lawas kung lawas, hangtud karun kay wala kini buhok in short, opaw lang gihapon. Ang babaye? Skin to skin, puwerteng putia tungod kay dili kini usa ka Filipina. Iyang kasingkasing lang. Medyo nakatimaho ko og something kay ang guest singer dili daw mag sound check or wala ka sound check. Dali kaayong nitingkag ang akong dunggan kinsa kaha kini nga singer? Nganong wala siya nag sound check naabot na man unta siya? Pero infairness, tungod kay dili maayo ang panahon atong adlawa, the show must go on! Gisalang dayon ang singer para dili malaay ang mga bisita sa maong event. Tuod man, hugyaw ang singer kay kuha kaayo niya ang kasingkasing sa mga bisita. With matching adlib, nindot nga tingog ug sexy attire. Pasok sa banga ang iyang paglugwa!Dili man pasaway si singer kay very accommodating kaayo sa mga gusto magpakuha og hulagway niya. Kever kung kever nga bitbit niya ang iyang sapatos nga taas og takong kay ang iyang drama sa dili pa siya mulugwa sa entablado, mag tsinelas kini dayon sul-ob sa iyang sapatos nga taas ugpagkahuman balik sa pagtsinelas. Mao nga inig naog niya dunay musugat og pa picture, apil na sa props ang iyang sapatos. Ana lang!Kinsa si singer? Bisaya speaking.Nahuman ang maong event bisan paman sa tunga-tunga sa programa mukalit lang og uwan nga kusog kaayo. Gihuman ang maong pasundayag sa usa ka bonggang fireworks ug pagpalupad og sky lantern. Hugyaw ra!

Congratulations to my ever Kargadora sa kanhi Istayl Nato program akong partner para sa pagpanghatag og bugas sa mga panimalay o mas nailhan sa tinuod nga kinabuhi isip Merill Paras kay mamahimo na siyang usa ka amahan. Wala ko nag-expect nga bisan paman sa iyang pagkasirena (joke!), pila ka buwan naa na’y mutawag niya og papa. Good luck kanimo kuya Merill ug ayaw kalimot dili sukdanan ang imong status sa kinabuhi para mamahimo kang papa apan kun giunsa nimo sila pag-atiman aron mamahimong bililhon niiningPasok kargadora!!!!! Hahahahahah! Dili na bugas ang bitbit pero imo nang pamilya. Pakit-a ko sa imong liwat gyud dayon kung asa gyud na liwat , ok? Mwah!

“Your success is our business. “ Para sa dunay gusto magmugna og mga events ug uban pa email me at:[email protected].