MANILA, Philippines - Hanggang Sabado na lang sa ere ang Happy Yipee Yehey (HYY).
Yup, tigbak na ito sa ere.
Mismong ang ABS-CBN Corporate Comunnications head na si Mr. Bong Osorio ang nagpadala ng statement kahapon.
“Ang Happy Yipee Yehey (HYY) ay magtatapos, kasabay ng grand finals ng My Girl na gaganapin sa AFP Theater sa Sabado, February 4, 2012
“Lubos na nagpapasalamat ang ABS-CBN sa lahat ng hosts at production staff ng HYY para sa kanilang hard work at kontribusyon sa pagbibigay ng isang ‘happy, yipee, yehey’ experience sa mga manonood sa loob ng isang taon.
“Taos puso na pasasalamat din ang aming ipinapaabot sa mga manonood dito sa Pilipinas at sa labas ng bansa sa pamamagitan ng The Filipino Channel (TFC) sa buong mundo para sa suportang ibinigay nila sa programa.
“Ang HYY hosts ay bibigyan ng mga bagong proyekto na patuloy na magbibigay kasiyahan sa mga manonood.”
Balitang papalit sa iiwan nilang slot ang Showtime.
Matagal-tagal nang pinag-uusapan ang pagtanggal sa nasabing show na hindi nakakahabol sa rating ng katapat nitong Eat Bulaga.