Viva Pit Senyor! Sa atong mga Ka tribung mga BisChikadora! Medyo busy na gyud ang atong mga kadalanan karon gumikan kay Sinulog na ! Gamay nga pahinumdum kaninyo nga sa inyong pagsaulog sa kapistahan sa Batang Balaan, kung mag bitbit mo sa inyong mga chikiting, si inday ug dodong ayaw ninyo kalimti mga nanay, tatay nga magbalon og tubig. Mas hugyaw kung magbawon para kung gutumon adto lang sa daplin ug mo lafang kay mao kani ang istayl nga mahitabo ug mga eksena sa Sinulog. Ang inyong Yur’s truly medyo busy kaayo sa mga Kapuso shows pero wala koy karapatan nga mo reklamo hilabi na nga duna ko’y mga gitinguha nga makab-ot gitawag kini nako og “mission and vision”. Hugyaw ang feeling kay you really have to work hard and it’s really hard. Ana lang! Busa karong adlawa, maglingaw lingaw kita pero inubanan kini nga dili ka mangita og away kung ikaw makainom na sa ilimnong makahubog. Magkitakita kita sa mga kadalanan sa dakbayan sa Sugbo karong adlawa mga Ka Tribung BisChikadora ug ayaw ninyo sipyata ang GMA Float nga sakay ang atong mga Kapuso Stars. Di ba Hugyaw ra?
Hugyaw kay para sa tuig 2012 ang nihatag nako og raket ang kanhi nako kauban sa Istayl Nato nga si Joharra Junasa para sa renewal of vow sa iyang mga ginikanan silang Tito Joel ug Tita Jerisa Junasa sa ilang silver wedding anniversary, Congratulations! Sa iyang mga anak nga silang Jehan, Jade, Joharra, malipayon kaayo ang ilang mga ginikanan sa gipakita nilang gugma. Gani na touch ko sa dihang tagsa tagsa sila nga mihatag og mensahe para sa ilang mama ug papa. Wala lang sila kahibalo nga akong gipugngan ang akong mga luha. Ingon bitaw ko nga ang tinuod nga gugma andam modawat sa tanan, dili man perpekto ang ilang pagpuyo pero ang ilang gugma magpabilin hangtud sa hangtud. Love it! Ana lang….
Sa laing bahin, mibaha og luha usab niaging semana kay pinakabatang miyembro sa gays unlimited kay nipananaw na ( ang grupo namo sa Englis, Vrama ) nga si Steph Yomi o si Stephen John Amaya halos di ko makatuo sa akong nadawat nga mensahe mao nga gitawagan nako si Tita Girlie nga atong higayona naa sa simbahan sa Moalboal, Cebu para sutaon kung tinuod ba gyud ang maong balita. Para namo si Steph Yomi usa ka buotan nga anak, igsuon ug labaw sa tanan higala nga andam musuporta nimo. Rest in Peace and see you soon in heaven. We love you!