Carmina mupirma na
CEBU, Philippines - Sunod semana na matud pa ipahigayon ang contract signing ni Carmina Villaroel alang sa iyang pagbalik sa ABS-CBN. Medyo na delatar lang matud pa ang pinirmahay apan “done deal” na matud pa ang tanan.
Krista nataypan
Balik Will Time Bigtime si Krista Kleiner. Hinungdan nga tweet ni Jay-R kagahapon para sa iyang beauty queen girlfriend mao ni: "I know you‘ll be great once again on will time big time. Show em what ur workin with. Miss u.
Kalapasan ni KC?
Pangutana karon kung wala bay nalapas si KC Concepcion sa iyang bob cut nga buhok. Tsika nga nasagap sa PEP mao nga may live contract si KC sa iyang shampoo endorsement nga kinahanglang taas ang iyang buhok hangtud sa 2013.
32nd Cebu Pop
Gisugdan nato adtong Enero 3, ang pagsinati sa mga mugna nga maoy magtigi sa umaabot nga 32nd Cebu Popular Music Festival karong Enero 13, Biyernes, alas otso sa gabii (8pm) diha sa Cebu Coliseum. Ang ticket mapalit diha sa University of the Visayas alumni office sa 2555741. Nagkantidad ang ticket og P300, 200, 100 ug 50.
Ang Grand Prize winner makadawat og P150k, ang Second Placer makadawat og P100k
Ug ang Third Placer may 50k. Samtang ang Best Interpreter makaangkon og P10k ug Qualifying Prize P15k.
Ang Cebu Pop tinuig nga kalihukan ubos sa paningkamot ni First District Representative Eduardo Gullas, isip pagtamod ug pagpalambo sa Sugbuanong Musika. Si Atty. Joseph Baduel maoy project director karong tuiga.
Nasinati na ninyo ang unang upat ka entries nga mao ang “Bunga” nga mugna ni Fernando Gabutan, Weder Weder Lang ni Peter Flordelis, Ning Awit Handumon Ko Ikaw ni Engr. Bernard Gocela, Adlaw Sa Gugma ni Vincent James Eco. Karon ania ang ikalima nga entry:
CEBU, GIHIGUGMA KA
Composer/ Lyricist: Bienvenido Racho
Arranger: Alex Mabatid
Interpreter: BBcians (Roy, Riel & Rico Tabasa, Teody Ebrado, Jonathan Bacus)
Naila kana sa tanang kanasoran
Tungod sa kasaysayan sa kalibotan
Nabantog nga sinulog kultura sa mga Cebuano
Halad alang kang Señor Sto. Niño.
II.
Bisan pa sa kalayô ikaw among gipasigarbo
Turista mobisita mosud-ong sa katahom oh, nimo Cebu
Modagkot ug mag-ampo sa Sta. Cruz nga gitisok ni Magellan
Ug sa isla sa mactan si Lapu Lapu ang gipasidunggan.
(Refrain)
Oh, Cebu, Cebu, Cebu, Cebu, gihigugma ka
Oh, Cebu, Cebu, Cebu, Cebu, gipangandoy ka.
III.
Maanyag ka nga dakbayan ug hara sa habagatan
Sa mga langyaw’ng katawhan gikaibgan
Daghang establesemento among napahimuslan
Larawan ka’s kauswagan ngadto’s kabag-ohan.
IV
May mga kaigsoonan namo diha nimo nanginabuhi
Nagtinda-tinda sila daplin sa agianan aron mabuhi
Bisan pa sa kalisod nagmalipayon sa ilang kakugi
Oh, pinanggang Cebu bahandi ka sa among kinabuhi.
(Repeat Refrain Change Chords)
(Bridge)
Sa tanang panahon karon ugma’g kagahapon
Ikaw pa gihapon gihalaran, gisilbihan, giampingan
Ug gipangga ka Cebu Oh, Cebu.
(Repeat Refrain Change Chords)
(Coda)
Oh, Cebu, Cebu, Cebu, Cebu, gihigugma ka
Oh, Cebu, Cebu, Cebu, Cebu, gipangandoy ka,
Gihigugma ka, Oh Cebu.
- Latest
