CEBU, Philippines - Gikatahong mobiya na si Iwa Moto sa GMA-7 ug mobalhin sa TV 5 kung diin nag-atang kaniya ang nagbaha nga mga proyekto.
Higanteng building
Naghinam ang TV 5 sa higante nila nga building nga buksan sulod karong tuiga kung diin langkoban kini sa mga dagko nga mga studio.
Vic ug Ai Ai mibisita sa mga simbahan
Gikatahong mibisita sila si Vic Sotto ug Ai Ai de las Alas sa nagkadaiyang simbahan sa kaulohan aron magpasalamat sa Kahitas-an sa naangkon nga kalampusan sa pelikula nila nga Enteng ng Ina Mo.
Panaghigalaay nagkalig-on
Suma pa ni Joseph Bitangcol nga kanunay gihapon sila magkumustahay sa kanhi niya uyab nga si Sandara Park bisan pipila na ka tuig nga wala na sila’y relasyon.
Hiram na Puso giuswag
Imbes sa Pebrero , giuswag na ngadto sa Marso ang pagpasalida sa seryeng Hiram na Puso nga gibidahan nila ni Kris Bernal ug Mark Herras gumikan kay extended ang Kokak ni Sarah Lahbati.
Subling pagbalik?
Bukas gihapon si Diether Ocampo nga magka-close sila pagbalik sa TV host nga si Kris Aquino gumikan kay nakauyon siya sa nahulma nila nga friendship kaniadto.
Ranier nakauyon sa TV 5
Tsika pa ni Ranier Castillo nga wala pa siya’y plano nga mobalik sa kanhi niya network nga GMA-7 gumikan kay kontento na siya sa dagan sa iyang showbiz career sa TV 5.