CEBU, Philippines - Kagahapon ug adtong Miyerkules atong nahimamat ang walo sa 12 ka finalists nga magtigi alang sa titulo Sinulog Idol 2012 diha sa Fuente Osmeña Circle sugod ugma puhon sa alas nuwebe (9.pm.) sa gabii. Sila mao si Rovee Marie Fernandez, Jem Keziah Keren Felicilda, Mark Vincent Seville, ug Marlon Tansengco.
Ronna Jenn Lofranco, Danielle May Ozaraga, Neil Christopher Ampo, ug Mark Ian Potencioso.
Karon ania ang dugang upat pa ka Sinulog Idol hopefuls:
9. Ashley Campbell nga taga Suba Pasil, Cebu City. Ang 20 anyos nga si Campbell, fourth year student sa kursong BS Developmental Communication sa Cebu Technological University.
10. Charlaine Louie Berondo, 16 years old gikan sa Taytayan 1, Buhisan, Cebu City. Kasamtangan siya nga fourth year high school student sa Cebu Normal University.
11. John Hammond Jr., taga Labangon, Cebu City. Ang 22 years old nga si John mitapos og BS Hotel and Restaurant Management sa Fatima College sa Leyte.
12. Kris Jordan Seville, 23 years old nga pambato sa Cansojong, Talisay City. Siya BS Architecture graduate sa Cebu Institute of Technology University.
32nd Cebu Pop
Gisugdan nato adtong Enero 3, ang pagsinati sa mga mugna nga maoy magtigi sa umaabot nga 32nd Cebu Popular Music Festival karong Enero 13, Biyernes, alas otso sa gabii (8pm) diha sa Cebu Coliseum. Ang ticket mapalit diha sa University of the Visayas alumni office sa 2555741. Nagkantidad ang ticket og P300, 200, 100 ug 50.
Ang Grand Prize winner makadawat og P150k, ang Second Placer makadawat og P100k
Ug ang Third Placer may 50k. Samtang ang Best Interpreter makaangkon og P10k ug Qualifying Prize P15k.
Ang Cebu Pop tinuig nga kalihukan ubos sa paningkamot ni First District Representative Eduardo Gullas, isip pagtamod ug pagpalambo sa Sugbuanong Musika. Si Atty. Joseph Baduel maoy project director karong tuiga.
Nasinati na ninyo ang unang duha ka entries nga mao ang “Bunga” nga mugna ni Fernando Gabutan ug Weder Weder Lang ni Peter Flordelis. Karon ania ang ikatulo nga entry:
NING AWIT HANDUMON KO IKAW
Composer/ Lyricist: Engr. Bernard Gocela
Arranger: Nendel Endrina
Interpreter: Cherish Pearl Cartalaba
PASIUNA:
Di ko mahimong hikalimtan
Ang kagahapon tang duha
Gipukaw mo ang gugma ta
Matag gutlo ning kinabuhi ko
I
Ikaw ra gyud ang natingban ning awit
Ang ngalan mo litokon ko kanunay
Tam-ison ko kining honi sa gugma
Kay buhi man sulod ning kasingkasing
REFRAIN 1:
Dili mahubit sa mga pulong
Kining kamingaw nga gibati ko
O, way makapapas sa handumanan
Ning buhing awit laylayon ko
BRIDGE:
Paglabay sa panahon
May panid sa kasaysayan handumon
Ikaw ra, ikaw ra gyud
Samtang mopitik pa king dughan ko
Dapiton ko nga mamalik ang adlaw’ng
Gikugos ko ug may awit sa gugma
REFRAIN 2:
Dili mahanaw ang atong damgo
Bisan wala ka ning kiliran
O, buhi ta’ng saksi kadtong himaya
Sa Paraisong gisaw-an ta
CODA:
Ikaw ra ug wa nay lain pang handumon
Ikaw ug ang awit sa langit naghulat
Ikaw ug ang awit handumon pa
Sinulog 2012 Activities
January 06, 2012 (Friday)
Sinulog 2012 Kick Off
Sinulog Photo Exhibits through the years @SM City Cebu, Ayala Center Cebu, MCIAA
2:00PM--Solemn Mass (Basilica del Sto. Niño)
3:00 PM-Launching Parade (Basilica del Sto. Niño to Cebu City Sports Center)
7:00 PM- Opening and Launching Program, Fuente Osmeña featuring Mandaue City Children’s Choir, Dancesports Team Cebu and Dance Troupes from Cebu’s schools and universities
8:00 PM-Sinulog Idol (Fuente Osmeña Circle)
9:00 PM- Street Party Bands