Parang over nga ang ginawang paggalaw kay Jinkee Pacquiao sa January issue ng Mega Magazine (tingnan ninyo). Kaya naman pala nag-trending siya kahapon sa Twitter. Obviously, naloka ang mga Twitter addict sa nakita nila kaya react to the max sila.
May mga nagsasabing interesting ang nasabing issue dahil kay Jinkee – cover story na may title na Jinkee Pacquiao on the Price of Fame and Fortune, pero mas maraming naloloka dahil nag-iba na naman daw ang hitsura ng misis ni Manny Pacquiao.
Actually, talaga namang nakakagulantang ang hitsura niya. Nasobrahan nga ng photoshop. Halos hindi mo na makikilala si Jinkee. Maganda kung sa maganda pero hindi na believable dahil ibang-iba na nga. Ang perfect na kasi.
May debate nga : sinong kamukha ni Jinkee?
May nagsasabing si Kristine Hermosa. May nag-comment naman na hindi si Jinkee ‘yun kundi ang kakambal niya.
Ikinukumpara ang nasabing cover ni Jinkee sa naging mag cover ni Charice sa Preview kung saan din obvious na ‘ginalaw’ ang hitsura ng international singer (tingnan din ninyo ang hitsura).
MMFF NAKAKA-P500 M NA!
Naglabas ng update kahapon ang Metro Manila Film Festival sa kita ng pitong pelikulang kasali sa ginaganap na Metro Manila Film Festival na nagbukas sa mga sinehan noong Pasko. Halos P500 million na ang kita - P477,824,459.68 to be exact.
May natitira pang araw kaya malamang umabot sila sa target na P600 million.
Narito ang breakdown :
MMFF 2011 Official Figures from Dec. 25, 2011 to Jan. 1, 2012:
1. Enteng ng Ina Mo - P183,213,717.35;
2. Segunda Mano - P94,629,812.45;
3. Panday 2 - P86,316,624.55;
4. My Househusband - P42,587,787.58;
5. Shake Rattle & Roll 13 - P41,935,473.35;
6. Asiong Salonga - P31,781,973.55;
7.Yesterday Today Tomorrow
-P7,359,070.85.
Hindi na talaga nakaabante ang pelikula nina Maricel Soriano and Gabby Concepcion na YTT. Halos P8 million lang kinita nito kumpara sa sinundan nitong Asiong Salonga na almost P32 million ang naipasok na.
Epekto kaya nang naging issue kay Maricel Soriano ang hindi masyadong pag-hit sa takilya ng comeback movie niya?