Nabasa namin ang pangalan ng isang aktor sa cast ng isang bagong soap ng isang network. Nag-tweet din ito at nagpahayag ng tuwa na may bago siyang project at tsika sa amin, malaki ang role nito sa bagong soap kesa katatapos niyang show.
May karapatang matuwa ang aktor dahil dapat kasama siya sa isa pang big soap ng network na kinabibilangan pero hinarang siya ng kamag-anak ng isa sa mga cast members at ipinatanggal na. Feeling yata ng kamag-anak ng aktres, hindi makakapagtrabaho ng maayos ang aktres ’pag kasama nito ang boyfriend.
Yes, nobyo ng aktres ang aktor na dapat kasama niya sa soap na pinagbibidahan, hindi natuloy ’yun dahil ayaw ng kamag-anak ng aktres. Hindi na yata ipinarating ng kanyang manager sa aktor ang offer para walang isyu at para hindi pag-awayan ng mag-dyowa.
Kris tumanggap na ng tulong mula sa UNHCR
Personal na tinanggap ni Kris Aquino ang donation ng UNHCR o United Nations High Commission for Refugees para sa mga biktima ni Sendong sa Cagayan de Oro at Iligan City na 17,000 kls. of aid na inilipad ng Emirates.
Ang naalala namin, na-appoint na ambassador ng UNHCR si Kris at malugod niya itong tinanggap. Nanggaling na rin sa CDO si Kris kasama sina Angel Locsin, Pokwang, at Anne Curtis.
Pokwang magbebenta ng mga sapatos, gowns
Ang pelikula ni Pokwang na A Mother’s Story ang pambungad na pelikula ng Star Cinema for 2012 at first time na pagpo-produce ng TFC o ang The Filipino Channel ng ABS-CBN. Sa nasabing pelikula, patutunayan ng komedyana na hindi lang siya magaling magpatawa dahil kayang-kaya ring magdrama.
Sobrang naka-relate si Pokwang sa role niyang si Medy na isang Overseas Filipino Worker (OFW) dahil bago siya sumikat sa bansa, isa muna siyang OFW. Ikinatuwa rin nito na siya ang first choice sa role ni Medy at ang ABS-CBN chairman pang si Gabby Lopez ang pumili sa kanya. Naniniwala naman ang direktor ng pelikula na perfect choice si Pokwang sa role na ibinigay sa kanya.
Sabi pa nito, “This is Pokwang’s best performance!”
Kabilang sa kasama ni Pokwang sa A Mother’s Story si Beth Tamayo na sa States na naninirahan. Gumaganap siyang si Helen, ang kumumbinsi kay Medy na subukang magtrabaho sa Amerika.
Speaking of Pokwang, para makatulong sa mga biktima ni Sendong, magbebenta siya ng kanyang gowns and shoes, kasama ang collection niya ng Kermit Tesoro shoes na ginamit sa mga shows niya. Magaganap ito sa Dec. 27 to Jan. 3 sa Bing Cristobal’s Hauz of Fashion sa # 57-D A. Roces Avenue, Quezon City.
Direk Jay hindi kinayang maglagare
Hindi na kinaya ni Direk Jay Altarejos ang maglagare sa taping ng afternoon soap na Kung Aagawin Mo ang Lahat sa Akin at sa primetime soap na Legacy. Minsan walang tulog ang direktor dahil ’pag pack-up ng taping ng Kung Aagawin… sa halip na matulog, dumideretso siya sa taping ng Legacy.
Kaya kahit ayaw, nagdesisyon na si Direk Jay na iwan ang pagdidirehe ng afternoon drama para makapag-concentrate sa Legacy na sa Jan. 16 na ang airing, kapalit ng Amaya. Isa ang Legacy sa biggest soap ng GMA 7, star-studded ang cast, madrama ang mga tagpo at kailangan ng konsentrasyon.
Anyway, as of Friday last week, wala pang napipiling pumalit to direct the afternoon soap sa nalalabing three weeks.
“It has been a great journey” at “it has been a great experience” ang mga patungkol ni Jay sa pagiging direktor ng Kung Aagawin Mo ang Lahat sa Akin.
Frank Magalona pinatanda ang sarili
Dagdag na cast sa Kung Aagawin Mo ang Lahat sa Akin si Frank Magalona bilang si Atty. Enrico Fernandez, lawyer ni Ellery (Carla Abellana) na may gusto rito. Ibang-iba sa Blusang Itim ang karakter ng binata, mas malaki ang challenge at mature ang role kaya naisip niyang magpatubo ng bigote at balbas.
Natuwa ito dahil kahit bago sa cast, pinaghandaan ng staff ang birthday niya noong Dec. 19. Ang pagkakasali sa soap ang kino-consider niyang isa sa mga birthday gifts na natanggap.
Galing sa one-month vacation sa Australia si Frank, bumisita siya sa Melbourne, Cabrerra, at Sydney at nag-enjoy ng husto.