MANILA, Philippines - Pinayagan ni Mother Lily Monteverde si Carla Abellana na mag-attend ng premiere night ng Manila Kingpin : The Asiong Salonga Story kagabi.
Tumalab ang pagtsika ng bida sa Asiong na si Gov. ER Ejercito kay Mother nang magkita sila sa presscon ng Metro Manila Film Festival Executive Committee.
Puwede na rin kaya siyang mag-promote ng movie na kauna-unahang ni-review ng Cinema Evaluation Board na nabigyan ng A?
regal kinontrata sina sam at enrique
Hindi exclusive contract ang pinirmahan kahapon nina Sam Concepcion at Enrique Gil sa Regal Films. Yup per project lang.
Tingin ng Regal matriarch, malayo ang mararating ng dalawang young actor na alaga rin ng Kapamilya Network. Feeling niya nga kay Enrique, puwede itong maging Gabby Concepcion dahil sa kakaibang appeal at hitsura.
Ayaw pang sabihin ni Mother kung anong project ang ibibigay niya sa dalawa.
Mabenta si Sam sa kasalukuyan — sa mga stage plays, TV, at maging sa pelikula. Nagho-host na rin siya at siyempre singer siya.
Huli siyang napanood sa Peter Pan at nasa cast siya ng entry ng Regal sa MMFF na Shake, Rattle and Roll 13 sa episode na Parola kasama sina Kathryn Bernardo, Louise delos Reyes at Hiro Magalona.
Batch 16 naman ng Star Magic si Enrique na tubong Cebu na may dugong Espanyol. Una siyang napanood sa Mula sa Puso at nagkasama sila ni Sam sa pelikulang Way Back Home.
Sigurista rin talaga ang Regal. Expert na sila sa pagsipat kung sino talaga ang mga may potential na sumikat.