Biglang nawala ang picture ng dalawang aktor sa Facebook nang muling balikan ng unang mga nakakita. Intriguing ang picture na kuha sa pad ni Actor A na nag-celebrate ng kanyang birthday.
Sobrang “feel at home” ang theme ng party dahil naka-boxer shorts ang aktor na winelkam ang kanyang mga bisita. Isa sa bisita ng aktor ay ang sikat na aktor na pumayag magpakuha ng picture na topless at bukas pa ang first button ng pants.
Sexy ang litrato ng aktor at marami ang naintriga at nag-react. Pero the next time na bisitahin ang FB ng aktor na nag-celebrate ng birthday, wala na ang picture nila ng sikat na aktor na naka-topless.
Gustong malaman ng fans kung sinong KJ ang nagpa-alis nang nasabing litrato na mabuti’t may nakapag-save.
Kris nagpaka-generous
Naging generous si Kris Aquino sa mga kasama sa Segunda Mano dahil bukod kay Dingdong Dantes na binigyan niya ng gift na gagamitin nito sa trip nila ni Marian Rivera, binigyan nito ng iPhone 4s ang cinematographer na si Charlie Peralta and for sure, nakatanggap din ng regalo ang ibang crew ng movie.
Si Angelica Panganiban ay binigyan ni Kris ng iPad bilang pasasalamat na pumayag ang aktres na mag-shooting ng two additional days ng walang reklamo. Natuwa rin si Kris dahil sa mga nag-i-impersonate sa kanya, si Angelica ang nag-level up.
Si John Lapus ay pinatigil na raw nitong i-impersonate siya.
Samantala, nakarating na sa GMA 7 ang pagbo-volunteer ni Kris Aquino na mag-guest sa grand finals ng Protégé sa Sunday para makapag-promote na rin ng Segunda Mano, wala pang balita kung maggi-guest nga si Kris.
Jillian ‘never ever, forever’ magbo-boyfriend
Naloka ang press na bumisita sa taping ng Daldalita dahil at six years old ay nagsalita na nang patapos si Jillian Ward na “never ever, forever” siyang hindi magbo-boyfriend. May kasama pang iling at sign ng daliri at seryoso ang hitsura para patunayang hindi siya nagbibiro.
Paano kung ligawan siya nina Aljur Abrenica, Derrick Monasterio, at ilang actors ng GMA 7? “Never pa rin akong magbi-BF. Si Papa lang ang BF ko,” sabi ng bagets.
Bakit ayaw niyang magka-BF? “Secret,” ang sagot ng bagets.
Masaya si Jillian sa three weeks na extension ng Daldalita dahil from 13 weeks, aabot ito ng 16 weeks. Favorite niya sa pets niya sa show si Daisy the Bibe dahil maganda, mabait, at walang attitude. Hindi raw kagaya ni Bobby the pig na exit nang exit sa camera at may attitude.
Kahit may dyowang iba Stef ini-entertain na ang kasamang castaway
Nakita ng press na magkasama sina Stef Prescot at John Odulio ng Survivor Philipines sa GMA Network last Thursday afternoon. Naintriga ang press dahil nang makita ng dalaga ang ilang press people, lumayo ito kay John, pero huli na dahil namataan na silang magkasama.
Sa ginawa ni Stef, nagduda ang press na baka there is something beautiful going on sa kanila ni John. Kung bakit, hindi namin natanong ang binata kung bakit nakabuntot siya kay Stef. Wala naman yata silang guesting.
Ang alam namin, BF ni Stef ang former Starstruck Avenger na si Benj Pancia, kaya hindi siya puwedeng mag-entertain ng ibang manliligaw.