Alden nakapuntos

CEBU, Philippines - Mapasalamaton si Alden Richards gumikan kay nakabaton siya og mga positibong reviews gumikan sa iyang psychotic role sa pelikulang The Road sa GMA Films.

“Ring issue” gibaliwala ni Juday

Tsika pa ni Judy Ann Santos nga dili isyu alang kaniya kung dunay mga panahon nga makalimot og sul-ob ang iyang bana nga si Ryan Agoncillo sa ilang wedding ring gumikan kay ang importante nga nagkahigugmaay silang duha.

Bea-Zanjoe series dili madayon

Wala’y problema alang kang Bea Alonzo kung matinuod ang hungihong nga dili madayon ang serye nga paresan nila sa iyang uyab nga si Zanjoe Marudo ug giklaro sa aktres nga dili pa kumpirmado ang maong taho.

Anak ni Jen pinangga ni Luis

Kanunay nga dalhan og regalo ni Luis Manzano si Baby Jazz, ang anak sa iyang uyab nga si Jennylyn Mercado.

Pahiyom

Mipahiyom lang si John Prats sa dihang gipangutana siya kung okay ra ba niya nga malakip sa serye sa iyang ex-girlfriend nga si Shaina Magdayao.

Pangandoy ni Ritz

Gipangandoy sa produkto sa Star Factor nga si Ritz Azul nga makauban sa usa ka proyekto ang mga banggiitang artista nga sila si Nora Aunor ug Sharon Cuneta.

Vic duna’y giprotektahan

Matud pa nga maglisod pa og kumpirmar si Vic Sotto sa relasyon nila ni Pauleen Luna gumikan kay naglikay kini nga maapektohan ang pelikula nila nga Enteng Ng Ina Mo.

Fil-Am CNN Hero of the Year

Ang Filipino-American nga si Robin Lim maoy natuboy nga 2011 CNN Hero of the Year ug pormal na kini nga gi-anunsiyo niadtong Domingo sa The Shrine Auditorium sa Los Angeles, U.S.A.

Ang 54 anyos nga si Lim mitigi sa laing siyam ka finalists gikan sa nagkalain-laing nasud. Suma pa sa CNN, nga naghulma si Lim og 9 ka “birthing sanctuaries” alang sa Indonesians.

Matud pa niya nga common na kaayo nga adto gyud manganak ang mga inahan sa tambalanan ug ma-problema kini sa mga bayranan inigkahuman og panganak.

Giklaro ni Lim nga kinahanglan nga ang mga inahan ma-problema lang sa paghimugso sa ilang anak ug dili sa bayranan.

Naka-sungkit siya og $250,000 isip 5th CNN Hero of the Year human sa 11 ka semana nga botaranay pinaagi sa official website sa CNN.

Nakadawat na usab si Lim og $50,000 kaniadto sa dihang nasulod pa siya sa Top 10.

Kahinumduman nga laing Filipino ang nakakuha na sa susamang titulo niadtong 2009, siya si Efren Peñaflorida nga nakadawat og pasidungog gumikan sa gihulma niini nga Kariton Classroom.