Beauty Pageants Galore

Hola Tinola! Mga Ka Tribung BisChikadora!! Niaging semana ang inyong Yur’s truly napuno sa schedule sa atong mga katungdanan sa  GMA ug sa atong panginabuhian mao ang drama nako kay go lang ng go! Adunay usa ka adlaw nga nag-judge pagkabuntag, miadto og usa ka kalihukan kay imong tan-awon ang usa ka grupo pagkahuman, pagkagabii mag-judge og beauty contest ug usa na niini ang paglugwa nako didto  sa usa sa mga barangay sa Mandaue ang Barangay Umapad, para sa gipahigayon nilang Ms. Teen LPC. Nagtigi ang unom ka mga dalaga para makalangkat sa maong korona,pinaagi sa dakong suporta sa ilang barangay kapitan nga si Kap. Zaldy Lumapas ug sa iyang  asawa nga si Hon. Libertine Lumapas, diin nagmabulukon ang maong indigay. Didto ko naHugyaw sa Q and A portion sanglit gipangutana ang mga kandidata unsa ilang masulti sa usa ka pulong sama sa children, politics, divorce, relationship, freedom ug religion. Sa unang higayon, para sa ilang kapistahan sa ilang prosesyon dili karo ang butangan sa ilang patron nga si La  Purisima Concepcion kung dili float. Hugyaw ra! Ana lang!!!!! Ang nakalangkat sa maong indigay kay si Johnlyn Christie Espina, gisundan ni Christine  Temblor ug ni Annlorien Alcuizon. Kauban nako sa pagpili sa ilang Ms. Teen LPC sila si JayR Yosores ug Ian Anthony. Ang host sa maong indigay si Hon. Jeffrey Janaya.

Sa laing bahin, wala usab nagpalupig ang akong sityo sa ilang Ms. Teen Gay 2011 PC Gasdump. Ang mga igsoon nako nagtigi para makoronahan atong gabhiuna diin kalit lang niuwan atol sa awarding portion. Lingaw usab kaayo ang akong mga silingan kay nagpasiaw man sila. Di ka maHugyaw nga kay wala paman ang resulta sa maong panagtigi ang mga candidates gamugna og show on the spo?. Ako dire nga naa sa kilid puwerte nakong agik-ik sa hilom. Tuod man winner si candidate no.5 nga siya mismo wala makatuo nganong siya ang nigawas nga mananaug. Hahahahha!!!! Pero tungod sa talento ug ka maayo mutubag rayna gyud siya. Ana lang! Kudos sa mga abtik kaayo nga mga organizers Windel, ang tres marias nga silang Ate Mariafe, Aya, Inday, Bebie, Toto, Julie, Christian ug si Paolo. Ang naghost wala’y lain, si Roxanne o sa tinuod nga kinabuhi “ Rosegene Clyde Salazar. Nahuman ang kagabhiun nga ang tanan nag-enjoy pero ang akong beauty murag ligid nga nabuslot: flat tire! Kay katong gabhiuna, nag- judge usab ko sa Christmas party sa Phil. Dental Association Cebu Chapter kung diin ang mga miyembro nagpakita sa ilang Brazilian inspired costume. Kaninyong tanan Congratulations!!!!!

Sa umaabot nga Pasko maghinaut ko nga kitang tanan magmalipayon. Ang dakong importante nga atong mga gimahal sa kinabuhi naa sa atong mga kiliran. Ayaw gayod kalimti mga BisChikadora nga tinuod nga diwa sa Pasko kay ang pagminahalay! I love you all!!!!

Add me on facebook and follow me on my twitter account. Sa mga gusto mopadangat sa inyong mga suggestions, opinions and reactions, invitations para sa inyong mga kalihukan dire lang sa [email protected].