David Beckham hinubad ang jersey para ibigay kay Pacman

SEEN: Ang payo na magpahinga si Rhian Ramos sa showbiz para hindi maapektuhan ng abortion scandal ang mga programa niya sa GMA 7.

Sensitive ang mga advertisers sa mga maseselan na isyu.

SCENE: Wala si Rhian Ramos sa live telecast ng Manny Many Prizes noong Sabado. Si Kris Bernal ang guest co-host ni Congressman Manny Pacquiao.

SEEN: Hindi pinanood ni Lea Salonga ang “tell-all interview” ni KC Concepcion at ang video diary ni Mo Twister dahil it’s none of her business pero may komento siya tungkol sa mga isyu. Inconsistent.

SCENE: Ang malakas na hiyawan at palakpakan ng mga tao sa Rizal Memorial Stadium nang hubarin at ibigay ni David Beckham ang kanyang jersey kay Manny Pacquiao nang panoorin nito ang exhibition game ng LA Galaxy at Azkals noong Sabado.

SEEN: Sina Dawn Zulueta, Marc Nelson, Melissa Ricks, Maxene Magalona. Fabio Ide, Daniel Matsunaga, at Angel Locsin ang ilan sa mga nanood ng friendly football match ng LA Galaxy at Azkals.

SCENE: Si Olga Alava ng Ecuador ang na­nalong Miss Earth sa pageant night na idinaos sa UP Theater noong Sabado. Runner-up ni Olga sina Miss Air - Miss Brazil Drielly Bennettone. Miss Water - Miss Philippines - Athena Mae Imperial, at Miss Fire - Caroline Medina ng Venezuela.

SEEN: Ang paulit-ulit na pagsasabi ni Congressman Manny Pacquiao na “Christian” na siya. Nagbabagong-buhay na ang Pambansang Kamao.

SCENE: Nagalit ang mga anak ni Genelyn Magsaysay kay Janelle Manahan dahil sa statement nito na “schizophrenic” ang kanilang ina.

Overacting at stupid daw ang nagsabi na schizophrenic si Genelyn.